दार्जीलिङ बन्द चार दिनका लागि फिर्ता हुने पहाडी क्षेत्रमा जनता कर्फ्यू

भिडियो हेर्नको माथि को बक्स मा डबल क्लिक गर्नु होस्

२९ साउन, काठमाडौं । अलग राज्यको माग गर्दै घोषणा गरिएको अनिश्चितकालीन दार्जीलिङ बन्द चार दिनका लागि फिर्ता हुने भएको छ । जनताको पीरमर्कालाई ध्यानमा राखि बिहीबारदेखि आइतबारसम्म बन्द फिर्ता लिने निर्णय गरिएको बन्द आयोजक गोर्खा जनमुक्ति मोर्चाले जनाएको छ । शुक्रबार भारत स्वतन्त्रता दिवसका दिन दार्जीलिङ खुल्ला रहनेङ खुल्ला रहने छ ।

अलग राज्यको माग गर्दै आयोजना गरिएको बन्द आज ११ दिन पनि जारी छ । यसैवीच गोर्खाल्याण्ड टेरिटोरियल एडमिनिष्ट्रेशन-जिटिए)को प्रमुखबाट मोर्चाका नेता विमल गुरुङले दिएको राजीनामा राज्य सरकारले स्वीकृत गरेको छ । जिटिए प्रमुखमा नयाँ नियुक्तिको प्रक्रिया थालिएको छ । यसैवीच दार्जीलिङका विभिन्न राजनीतिक दलहरु अलग गोर्खाल्याण्डका लागि सहकार्य गर्न सहमत भएका छन् । विमल गुरुङको नेतृत्वमा सर्वदलीय बैठकको आयोजना गरिएको भारतीय सञ्चारमाध्यमले जनाएका छन् ।

पहाडी क्षेत्रमा जनता कर्फ्यू

 गोरखाल्याण्ड राज्यको माग गर्दै भारतको दार्जिलिङमा आन्दोलनरत दलहरुले मंगलवारबाट पहाडी क्षेत्रमा जनता कर्फ्यू लगाएका छन् । स्थानीय समय अनुसार मंगलवार विहान ६ बजेबाट सुरु भएको जनता कफ्यू भोलि बेलुकी ६ बजेसम्म चल्नेछ । कर्फ्यूका समयमा सर्वसाधारण सडकमा ननिस्कने गोरखा जनमुक्ति मोर्चाले जनाएको छ ।

बिहीबारबाट भने ४ दिन बन्द खुला गर्ने मोर्चाले जनाएको दार्जीलिङबाट प्रकाशित नेपाली भाषाको पत्रिका हिमालयन दर्पणले जनाएको छ । राज्य सरकारले भने पहाडी क्षेत्रमा आजबाट राशन बाड्ने बताएको छ ।