अमेरिकी नागरिकसँग नौ किलो सुन

भिडियो हेर्नको माथि को बक्स मा डबल क्लिक गर्नु होस्

काठमाडौ, जेष्ठ ७ - दुबईबाट नेपाल हुँदै बंगलादेश जान लागेका एक अमेरिकी नागरिकबाट प्रहरीले नौ किलो सुन बरामद गरेको छ । त्रिभुवन विमानस्थल प्रहरीले बंगलादेशी तर अमेरिकी पासपोर्टधारी इकवाल हकबाट उक्त सुन बरामद गरेको हो । उनी दुबई सारजाहाबाट एयर अरेबिया विमान हुँदै आएका हुन् । बंगलादेश जान लागेका उनी नेपालमा ट्रान्जिटमा छन् । ट्रान्जिटबाट बाहिर ननिस्किँदासम्म पक्राउ गर्ने/नगर्नेमा प्रहरी अन्योलमा छ । राजस्व अनुसन्धानसँग राति अबेरसम्म छलफल भए पनि निर्णय नभएको स्रोतले बतायो । 'उनी विमानस्थलको ट्रान्जिटबाट बाहिर आए पक्राउ गरिनेछ तर अहिलेकै स्थितिमा केही भन्न सकिँदैन,' विमानस्थलका एक वरिष्ठ प्रहरी अधिकृतले भने ।