सगरमाथा चढ्ने नेपाली नायिका बनिन् निशा अधिकारी

भिडियो हेर्नको माथि को बक्स मा डबल क्लिक गर्नु होस्

काठमाडौ, जेष्ठ ७ - नायिका निशा अधिकारी ले सगरमाथा चुचुरोमा पाइला टेकेकी छन् । मंगलबार बिहान ८ बजे उनले सगरमाथाको शिखरमा पाइला राखेकी हुन् । उनी सगरमाथामा पाइला टेक्ने पहिलो नेपाली नायिका बनेकी छन् । गत चैत्र २७ गते १२ जना आरोहण दलको टोली सहित सगरामाथाको यात्रा थालेकी अधिकारी आरोहीको सहयोगीको रुपमा सगरमाथा उक्लेकी हुन् । सगरमाथा आधार शिविरमा करिब दई महिना कुरेपछि उनले सगरमाथाको शिखर चुमेकी हुन् । अधिकारी सहितको टोली भोली बुधबार राजधानी आइपुग्ने चलचित्र कलाकार संघका अध्यक्ष नवल खड्काले जानकारी दिए । हिजै कलाकार अर्जुन खड्काले सगरमाथा चढेका थिए । कार्की आज काठमाडौ फर्कदै छन् । उनको स्वागतमा कलाकार संघका पदाधिकारी त्रिभुवन बिमानस्थल पुगेका छन् ।