आज उल्का वर्षा (नासाको लाइभ भिडियो सहित)

भिडियो हेर्नको माथि को बक्स मा डबल क्लिक गर्नु होस्

आज सोमबार राति नेपाली आकाशमा उल्का वर्षा हुँदैछ । सामान्य बोलिचालीमा तारा खसेको समेत भनेर चिनिने यस्तो उल्का वर्षा अवलोकनका लागि कुनै उपकरणको आवश्यकता नपर्ने र नांगो आँखाले समेत आकाशमा हेरेर यसको मनोरञ्जन लिन सकिने खगोलविद्हरुले जनाएका छन् । तर बादल लागेको तथा पानी परेका कारण उल्का वर्षाको दृश्य हेर्नमा भने कठिनाइ हुनेछ ।

यस्तो उल्कावर्षा प्रतिघण्टा ६० देखि १२० वटासम्म हुनसक्ने बताइएको छ । पुछ्रेताराले छाडेका चट्टान र धूलोका कणहरु पृथ्वीको वायुमण्डलमा प्रवेश गर्दा घश्रणका कारण बल्न गई चम्किलो हुने गर्छन् । त्यसैलाई उल्का वर्षा भन्ने गरिन्छ ।

अमेरिकी अन्तरीक्ष संस्था नासाले उल्का वर्षाको प्रत्यक्ष प्रशारण गर्ने जनाएको छ । प्रत्यक्ष प्रशारण हेर्नका लागि यहाँ क्लिक गर्नुहोस् ।

वैज्ञानिकहरुका अनुसार हरेक वर्ष जुलाई १७ देखि अगष्ट २४ सम्म उल्कावर्षा सक्रिय हुने गर्छ । स्विफ्ट टटल नामक पुछ्रेताराले सुर्यको परिक्रमाका क्रममा छाडेका धूलोका कणहरु पृथ्वीको कक्षमा प्रवेश गर्ने गर्छन् । तिनैलाई उल्का वर्षा भन्ने गरिन्छ । यस्ता पदार्थहरु निकै उच्च गतिमा पृथ्वीको वायुमण्डमा प्रवेश गर्दछन् र त्यहीँ जलेर नष्ट हुन्छन् ।