सीमा क्षेत्रमा अपराध गर्ने अन्तर्राष्ट्रिय गिरोह, सुराकी अपरेसन सुरु

भिडियो हेर्नको माथि को बक्स मा डबल क्लिक गर्नु होस्

९ भदौ, काठमाण्डौं । सरकारले सीमा क्षेत्रमा हुने १७ अपराधमा अन्तर्राष्ट्रिय गिरोहको संलग्नता रहेको निष्कर्ष निकालेको छ । नेपाल-भारत सीमा क्षेत्रमा हालसम्म भएका आपराधिक घटनाका आधारमा अन्तर्राष्ट्रिय गिरोहको चलखेल रहेको निष्कर्ष निकालेको हो । सरकारले सीमा क्षेत्रमा ‘सुराकी अपरेसन’ गर्ने दिर्नेशनसमेत जारी गरेको छ । गृहमन्त्रालयद्धारा केहीदिन अघि जारी ‘सीमावर्ती क्षेत्रमा हुने आपराधिक क्रियाकलाप नियन्त्रण कार्ययोजना २०७०’ मा सीमा क्षेत्रमा हुँदै आएका आतंकवादी गतिविधि र साम्प्रदायिक घटनामा अन्तर्राष्ट्रिय आपराधिक गिरोहको संलग्नता रहेको किटान गरिएको खबर अन्नपूर्ण पोस्ट दैनिकले छापेको छ । त्यसैगरी भूमिगत सशस्त्र समूहका गतिविधिमा पनि अन्तर्राष्ट्रिय गिरोहको साथ रहेको सरकारी निष्कर्ष छ । सरकारले देशका विभिन्न सीमावर्ती सहरमा बढ्दो धम्की तथा चन्दा आतंक, अपहरण, विस्फोटक पदार्थ एवं हतियार ओसारपसार, जाली नोट कारोबार, दुर्लभ बन्यजन्तुको अवैध सिकार, वनपैदावार तथा प्राकृतिक स्रोतसाधनको गैरकानुनी ओसारप्रसार, पुरातात्विक महत्वका सामग्रीको चोरी निकासी जस्ता अपराधमा अन्तर्राष्ट्रिय आतंककारी संगठनहरुको चलखेल नै मुख्य कारण ठम्याएको छ ।