हेर्नुहोस् बिश्वका उत्कृष्ट प्रेस फोटोहरु

भिडियो हेर्नको माथि को बक्स मा डबल क्लिक गर्नु होस्

अमेरिकी फोटोग्राफर जोन स्टनमायरले यो वर्षको विश्व प्रेस फोटो पुरस्कार जितेका छन् । उनले जिबूटी शहरको तटमा अफ्रिकी प्रवासीको यो तस्वीरले पुरस्कार जितेका हुन् ।

स्टनमायरको यो तस्वीरमा अफ्रिकी प्रवासी आफ्नो फोन उठाएर छिमेकी देश सोमालियाको सस्तो सिग्नल लिने प्रयास गरिरहेका छन् ।

पश्चिम बंगालका दृष्टिहीनको विवेकानन्द मिसन स्कुलको बोर्डिङ रुसमा रहेका दृष्टिहीन एल्बीनो युवाहरुको सामुहिक तस्वीर दक्षिण अफ्रिकी फोटोग्राफर ब्रेन्ट स्टिरटनले खिचेका हुन् । यो तस्वीरले स्टेज्ड पोट्रेट्स सिंगल विधामा पहिलो पुरस्कार पाएको छ ।

जर्मन फोटोग्राफर यूलियसले डेली लाइफ सिंगल विधामा आफ्नो यो तस्वीरका लागि पुरस्कार जितेका छन् । यो तस्वीरमा काचिन इन्डिपेन्डेन्स आर्मीसँग जोडिएका सदस्यहरु बर्मामा एक दिन पहिले मारिएका आफ्ना कमाण्डरको अन्तिम संस्कारका समयमा शोक गीत गाउँदैछन् ।

यो तस्वीर केन्याको नैरोबीमा एक वेस्टगेट शपिङ सेन्टरमा चरमपन्थीहरुले आक्रमण गरेपछि फोटोग्राफर टायलर हिक्सले खिचेका हुन जहाँ एक महिला आफ्ना बच्चाहरुको साथमा भुईमा लुकेका छन् । आक्रमणमा उनीहरुलाई कुनै क्षति भएन । यो तस्वीर स्पट न्यूज स्टोरीमा दोस्रो भएको छ ।

फोटोग्राफर मार्कस श्रेबरको तस्वीर अब्जर्वड पोट्रेट्स एकलमा पहिलो भएको छ । उनले यो तस्वीर दक्षिण अफि्रकाका रंगभेदविरुद्ध आन्दोलनका नेता नेल्शन मण्डेलाको निधनपछि राजधानी पि्रटोरियामा तीन दिनसम्म शोक मनाउँदा आफ्नो क्यामरामा कैद गरेका हुन् । मण्डेलाप्रति श्रद्धान्जली दिन आएकी एक महिलाको तस्वीर मार्करले क्यामरामा कैद गरेका थिए ।

यो तस्वीर कायरोमा लिइएको हो । जसमा इजिप्टका एक बडी बिल्डर आफ्नो आमासँग छन् । डेनिस ड्यालियक्सको यो तस्वीरले पोट्रेट्स स्टोरी विधामा दोस्रो स्थान हात पारेको छ ।

स्टीव विन्टरको यो तस्वीर नेचर सेक्शनमा पहिलो भएको छ । लस एन्जलसको गि्रफिथ पार्कमा खिचिएको यो तस्वीरमा चितुवा शिकार खोज्दैछ ।

सर्बियाका फोटोग्राफर गोरान तोमासेविकको खितेको यो तस्वीरमा सिरियामा भएको बमबारीबाट बच्ने प्रयास गरिरहेका एक लडाकूको हो । यो तस्वीरले स्पट न्यूज स्टोरीजको सिरियासँग जोडिएका तस्वीरको रिसिजमा पहिलो भएको छ ।

विलियम डेनियलको यो तस्वीर मध्य अफ्रिकी गणराज्यको संकटलाई देखाउँछ । यो न्यूज स्टोरी विधामा दोस्रो भएको तस्वीर हो।

अष्ट्रेलियाका फोटोग्राफर डेनियल अर्नामनार्टकेा यो तस्वीर अष्ट्रेलियन स्विमिङ च्याम्पियनसिको क्रममा लिइएको यो । स्पोट्र्स एक्शन स्टोरिज विधामा यो तस्वीर तेस्रो भएको छ ।

विनासकारी आँधीबाट बचेकाहरुले फिलिपिन्को टोलोसामा निकालेको एक धार्मिक यात्रामा सहभागीहरुको यो तस्वीर फ्रान्सेली फोटोग्राफर फिलिप लोपेजको हो । यो तस्वीर स्पट न्यूज सिंगल श्रेणीमा पहिलो भएको छ ।

बुल्गेरियाको राजधानी सोफियाको यो तस्वीरमा सिरियाली शरणार्थीहरुका लागि बनाइएको अस्थायी आवासको हो । इटलीका फोटोग्राफर एलेसान्द्रो पेन्सोको यो तस्वीर जनरल न्यूज सिंगल विधामा पहिलो भएको छ ।

- स्रोत: अनलाईनखबर