भिडियो हेर्नको माथि को बक्स मा डबल क्लिक गर्नु होस्
दक्षिण कोरियाली इलेक्ट्रोनिक्स कम्पनी सामसुङले आफ्नो ध्वजाबाहक स्मार्टफोन ग्यालेक्सी एस फोरका दुइ नयाँ संस्करण सार्वजनिक गरेको छ । ग्यालेक्सी एस फोर जुम र ग्यालेक्सी एस फोर एक्टिभ नामका दुइ नयाँ ग्यालेक्सी एस फोर स्मार्टफोन सामसुङले सार्वजनिक गरेको हो । दुइ नयाँ स्मार्टफोनका विशेषता निम्न छन् :
ग्यालेक्सी एस फोर जुम उच्च फोटोग्राफिक क्षमतायुक्त स्मार्टफोन हो । यसमा १० गुणा अप्टिकल जुम, १६ मेगापिक्सेल सिएमओस सेन्सर, जेनन फ्लास सँगै ग्यालेक्सी एस फोर प्रविधि छ । जबकी अगाडिको क्यामरा १.९ मेगा पिक्सेलको रहेको छ । यो स्मार्टफोनको पछाडि रहेको क्यामरा उच्च क्षमतायुक्त रहेको र यसले स्मार्टफोन तथा फोटोग्राफीका सौखिनहरुका लागि एक्लै सन्तुष्टि प्रदान गर्ने दाबी सामसुङको छ । यसमा रहेको आन्तरिक अप्टिकल इमेज स्टाबिलाइजर अर्थात् ओआइएसले क्यामरालाई स्थिर राख्न मद्दत गर्छ र जसबाट स्पष्ट तस्वीर लिन सकिन्छ । यो प्रविधिले जूम गरेर पनि स्पष्ट तस्वीर तथा भिडियो खिच्न सम्भव पार्छ ।
यो स्मार्टफोनको अर्को विशेषता भनेको फोनमा कुरा गर्दागर्दै तस्वीर खिचेर पठाउन सक्नु हो । सामसुङका अनुसार यो स्मार्टफोनमा कसैसँग कुरा गरिरहेको बेला कुरा बिचमै रोकेर जूम रिङ मोडेपछि इनकल फोटो शेयर फिचर एक्टिभेट हुन्छ, जसबाट कुनै तस्वीर खिचेर फोनमा कुरा गरिरहेको व्यक्तिलाई पठाउन सकिन्छ । यो स्मार्टफोनको ४.३ इन्चको स्त्रिmन रहनुका साथै यो एन्ड्रोइड ४.२ -जेली बिन) अपरेटिङ सिस्टमबाट संचालित छ । यसमा ८ जिबी इन्टरनल मेमोरी हुनुका साथै त्यसलाई ६४ जिबीसँग पूराउन सकिन्छ ।
त्यस्तै ग्यालेक्सी एस फोरको अर्को रुप ग्यालेक्सी एस फोर एक्टिभ खासगरी घुमफिर गरिरहने मानिसहरुका लागि लक्षित गरिएको सामसुङले जनाएको छ । यो धूलो तथा पानी प्रतिरोधी भएको दाबी गर्दै उसले पूर्णरुपमा सिल गरिएको हुँदा यसलाई धूलोका कण तथा पानीले असर पूराउन नसक्ने बताएको छ । १ मिटर गहिरो पानीमा ३० मिनेटसम्म डुबाउँदा पनि यसमा केही असर नपर्ने सामसुङले जनाएको छ । यो स्मार्टफोनको नयाँ विशेषता भनेको यसको ग्लोभ टच प्रविधि हो । अर्थात् हातमा पञ्जा लगाएर पनि यसको स्त्रिmनमा छोएर चलाउन सकिन्छ । यसको एयरफोन ज्याक पनि पानी प्रतिरोधी रहेको दाबी सामसुङको छ । यसमा ८ मेगापिक्सेलको क्यामरा, एलइडी फ्लास लाइट, २ मेगापिक्सेलको अगाडिको क्यामरा रहेको बताइएको छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.