भिडियो हेर्नको माथि को बक्स मा डबल क्लिक गर्नु होस्
चितवन, श्रावण २५ - मंगलवार प्रहरीले भारतीय नागरिकलाई कुटेको आरोपमा नेपाल तरुणदल भरतपुर नगर समितिका उपाध्यक्ष प्रमिश राई र यमबहादुर कार्कीलाई पक्राउ गरेपछि उनीहरुको रिहाइको माग गर्दै शुक्रवार (आज) दोश्रो दिन पनि चितवन जिल्ला बन्द गरिएको छ । विहीवार तरुणदलको आह्वानमा जिल्ला बन्द गरिएको भएपनि शुक्रवार(आज) भने नेपाली कांग्रेस चितवनको आह्वानमा जिल्ला बन्द गरिएको हो । कार्यकर्ताले विहानैबाट बजार पसल बन्द गराउंदै हिंडेका छन् । त्यस्तै सडकमा ब्यापक मात्रमा नेपाल प्रहरी र सशस्त्र प्रहरी परिचालन गरिएको छ । वार्ता मार्फत समस्या समाधान गर्न प्रशासन र प्रहरीले चासो नदिएपछि कार्यकर्ता रिहाई गर्न बन्दको विकल्प रोज्नु परेको कांग्रेसका जिल्ला प्रबक्ता साजनकुमार महतोले बताए । आन्दोलन शान्तीपूर्ण भएको र बिहीवार जस्तो उच्छृखंल नहुने महतोले बताए । बन्दले गर्दा विहानैबाट चितवनको जनजीवन प्रभावित बनेको छ । लामा तथा छोटा दुरीका यातायातका साधन चल्न सकेका छैनन । कलकारखाना समेत ठप्प छन् । बन्दको प्रभाव आंशिक रुपमा परेको प्रहरीले जनाएको छ । प्रहरीले बिहीवार विभिन्न्ा स्थानबाट पक्राउ परेका सबै बन्दकर्तालाई सांझ नै छाडेको जनाएको छ । बिहीवार बन्दकर्ताले आधा दर्जन सवारी साधन समेत तोडफोड गरेका थिए । नारायणगढ बजार दिनभर तनाव ग्रस्त बनेको थियो । दोहोरो झडप हुंदा केही प्रहरी र बन्दकर्ता समेत घाईते भएका थिए । एमाओवादी निकट वाईसिएलले ब्यापारीसंग जबरजस्ती चन्दा असुल्दै गर्दा पक्राउ परेका ६ जना कार्यकर्तालाई चितवन बन्द गरेर छुटाएको एक साता नवित्दै कांग्रेस निकट तरुणदलले बन्दको आह्वान गरेको हो । बारम्बारको बन्दले गर्दा सर्बसाधरण मारमा पर्दै आएका छन ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.