फेसबुकको सेयर मूल्य अहिलेसम्मकै उच्च

भिडियो हेर्नको माथि को बक्स मा डबल क्लिक गर्नु होस्

८ भदौ, काठमाडौं । सामाजिक सञ्जाल फेसबुकको सेयर मूल्य आईपिओ जारीपछिको उच्च बिन्दुमा पुगेको छ । शुक्रबार कम्पनीको सेयर कारोबार ४०.५५ डलरमा बन्द भएको छ ।

गत जुलाई २४ यता कम्पनीको सेयर मूल्यमा ५३ प्रतिशतको वृद्धि भएको हो । फेसबुकको मोबाइल विज्ञापन बढेको र दोस्रो त्रैमासमा नाफा पनि बढेको कारण सेयर मूल्यमा प्रभाव परेको हो ।

साथै, बुधबार फेसबुकले प्रविधि साझेदारीको घोषणा गरेको छ । उक्त योजनाबाट अहिले इन्टरनेटमा नजोडिएका ५ अर्ब व्यक्तिमा इन्टरनेट पहुँच विस्तार हुने कम्पनीले जनाएको छ । जसबाट फेसबुकका प्रयोगकर्ता बढ्ने अनुमान गरिएको छ ।

फेसबुक गत मेमा साधारण सेयरधनीमा गएको थियो । त्यतिखेर सेयर मूल्य ३८ डलर रहेको थियो । गत सेप्टेम्बरमा १७.५५ डलरमा झरेको थियो ।