भिडियो हेर्नको माथि को बक्स मा डबल क्लिक गर्नु होस्
काठमाडौ, भाद्र ९ - अर्थमन्त्री शंकरप्रसाद कोइरालाले आउादो चाडपर्वलाई ध्यानमा राखी बजारमा आफ्नो उपस्थिति बलियो बनाउन वाणिज्य विभागका कर्मचारीहरुलाई निर्देशन दिएका छन् । वाणिज्य मन्त्री समेत रहेका कोइरालाले नागरिक घोषणापत्र भदौ १५ गतेभित्र कार्यान्वयनमा ल्याउन र उपभोक्ता हक संरक्षणका काममा लाग्न सरोकारवालाहरुलाई अर्हाए । जनताको दैनिक जनजीवनसंग प्रत्यक्ष सरोकार राख्ने निकाय भएकाले जनअपेक्षा बढी हुने गरेको दृष्टान्त दिंदै उनले चाडबाडका नाममा बजारमा हुने विकृति रोक्न समयमै सचेत हुन आग्रह गरे । उनले खुल्ला बजार सरकारको नीति भएकाले सरकारी निकायहरुले सहजीकरणको भूमिका निर्वाह गर्नुपर्नेमा जोड दिए । 'तपाईंहरुलाई प्रभावकारी काम गर्न चाहिने सहयोग जुटाउने जिम्मा मेरो भयो । बजार अनुगमनको काम यसरी देखियोस् कि त्यसको अनुभूति सवैले गर्न सकून् । कार्यालयको वातावरण सेवाग्राही मैत्र बनाउनुस् । कार्यालय हातामा सेवाग्राहीका लागि प्रतिक्षालय, शौचालय र खानेपानीको बन्दोबस्त मिलाउनुस्' मन्त्री कोइरालाले भने, 'व्यक्तिगत र संस्थागत अनुगमनमा जाँदा उपभोक्तावादी संघसंस्थाहरुलाई नछुटाउनु होला ।' वाणिज्य तथा आपूर्ति सचिव जनार्दन नेपालले आयात र निर्यातको सन्तुलनका आधारलाई विचार गरी अनुगमन प्रक्रिया तीब्र बनाउन निर्देशन दिए । उनले परिणाममुखी काम गर्न कर्मचारीको ध्यानाकर्षण गरे । वाणिज्य विभागका महानिर्देशक नारायण विडारीले बजार नियमन गरिए पनि विभागको एक्लो प्रयासबाट बजार मूल्य नियन्त्रण गर्न नसकिएको गुनासो गरे ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.