भिडियो हेर्नको माथि को बक्स मा डबल क्लिक गर्नु होस्
लसुन नियमित सेवनले क्यान्सरको जोखिमलाई समेत आधा गर्ने क्षमता राख्छ । नयाँ अनुसन्धानमा यस्तै दाबी गरिएको छ, जुन प्रकाशित भएको छ- 'क्यान्सर पि्रभेन्सन रिसर्च' मा । उक्त अनुसन्धानअनुसार, सातामा दुई दिन काँचो लसुन खाने गर्नाले बढ्दै गरेको फोक्सोको क्यान्सरको खतरालाई आधा घटाउन सकिन्छ । यति मात्र नभई, लसुनले धूमपान गर्ने व्यक्तिमा समेत फोक्सोको क्यान्सरको जोखिम कम गर्छ । फोक्सोको क्यान्सर हुने सबैभन्दा ठूलो कारक धूमपान हो । यसअघि समेत अनुसन्धानकर्ताहरूले लसुन विभिन्न गम्भीर रोगमा उपयोगी हुने बताइसकेका छन् । चीनका अनुसन्धानकर्ताहरूका अनुसार, नियमित रूपले लसुनको सेवन गर्नेहरूमा फोक्सोको क्यान्सर हुने सम्भावना ४४ प्रतिशतसम्म कम हुन्छ । धूमपान गर्ने व्यक्तिहरूले लसुन खाइरहने गरे तिनीहरूलाई फोक्सोको क्यान्सर हुने खतरा ३० प्रतिशतसम्म कम हुन सक्छ । जियाङसु प्रान्तका रोग नियन्त्रण एवं रोकथाम केन्द्रका वैज्ञानिकहरूले फोक्सोको क्यान्सरले पीडित १ हजार ४ सय २४ रोगीहरूलाई साढे चार हजार स्वस्थ वयस्कसँग तुलनात्मक अध्ययन गरे । यसमा के पाइयो भने, जुन व्यक्तिले सातामा कम्तीमा दुईपटक काँचो लसुन खाने गरेका थिए, तिनीहरूमा फोक्सोको क्यान्सर हुने सम्भावना धेरै कम देखियो । तर उक्त अनुसन्धानमा लसुनलाई पकाएर खाँदा कतिको प्रभावकारी हुन्छ भन्ने स्पष्ट हुन सकेको छैन । हालै गरिएको अर्को अनुसन्धानमा लसुनले आन्द्राको गाँठो (टयुमर) को खतरालाइ एक तिहाइ कम गर्ने दाबी गरिएको थियो ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.