भिडियो हेर्नको माथि को बक्स मा डबल क्लिक गर्नु होस्
मुम्बई, भाद्र ८ - भारतको मुम्बईको परेल इलाकामा बिहीबार साँझ एक प्रशिक्षार्थी महिला फोटो पत्रकारसँग भएको सामूहिक बलात्कारका आरोपीमध्ये एकलाई प्रहरीले पक्राउ गरेको छ । अस्पतालमा उपचार भएको पीडितसँग लिएको बयानका आधारमा प्रहरीले आरोपीहरूको स्केच जारी गरेको थियो । यस्तै, एक घटनामा गत डिसेम्बरमा नयाँदिल्लीमा एक २३ वर्षे छात्राको ज्यान गएको थियो । मुम्बईको प्रहरी आयुक्त सत्यपाल सिंहले पहिचानपछि अन्य चार आरोपीको खोजी भइरहेको बताए । सामाजिक बेइज्जती हुने त्रासमा पीडित पक्षले यो घटना लुकाउन खोजेका थिए । उनको स्वास्थ्य अवस्था गम्भीर देखेपछि चिकित्सकले प्रहरीलाई खबर गरेको थियो । घटनाको दुई घन्टापछि राति साढे ८ बजे सूचना पाउनबित्तिकै आरोपीलाई समाउन प्रहरी ८ टोली बनाएको थियो । सोधपुछका लागि केही शंकास्पदलाई प्रहरीले थुनामा राखेको छ । फोटो खिच्न पीडितसँगै हिँडेका युवकको पनि प्रहरीले बयान लिएको छ । एक अंग्रेजी पत्रिकाकी २३ वर्षे ती प्रशिक्षार्थी फोटो पत्रकार एक समाचार कथाका लागि तस्बिर खिच्न पुगेकी थिइन् । उनको पुरुष साथीलाई बाँधेर सामूहिक बलात्कार गरिएको थियो । भारतीय संसद्सम्म यो मामिला पुगेको छ । आशाराम बापुको मुद्दामा चुप रहे पनि विपक्षी भारतीय जनता पार्टीले यो घटनामा न्यायका माग गरेको छ । महाराष्ट्रका गृहमन्त्री आरआर पाटीले यो गम्भीर घटनाका दोषीलाई चाँडो पक्राउ गरिने बताए । मुम्बईको जसलोक अस्पतालमा उपचार गराइरहेकी पीडित युवतीको स्वास्थ्य स्थिर छ । भारतको दिल्लीको उत्तम नगर इलाकामा जागिर लगाइदिने प्रलोभनमा एक नवविवाहितासँग सामूहिक बलात्कार भएको छ । यो घटनामा दुई आरोपी पक्राउ परेका छन् भने एक फरार छन् । यसविरुद्ध शुक्रबार अपराह्नदेखि व्यापक प्रदर्शन भएको छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.