सात वर्षकी बालिका बलात्कार गर्ने पक्राउ

भिडियो हेर्नको माथि को बक्स मा डबल क्लिक गर्नु होस्

७ भदौ, बर्दिवास । महोत्तरीको हरिहरपुर हरिनमरी गाउँमा एक सात वर्षकी दलित बालिकालाई बलात्कार गर्ने व्यक्तिलाई प्रहरीले पक्राउ गरेको छ । गत मङ्गलबार साँझ सो गाउँकी दलित बालिकालाई बलात्कार गर्ने हरिहरपुर हरिनमरी-७ का बिल्टु दासका १७ वर्षका छोरा नब्बु दास तत्मालाई बिहीबार पक्राउ गरिएको इलाका प्रहरी कार्यालय बर्दिवासले जनाएको छ । घटनापछि फरार भएको दासलाई सीतापुर प्रहरी चौकीबाट खटेको प्रहरी टोलीले पक्राउ गरेको इप्रका बर्दिवासका प्रहरी नायब उपरीक्षक तुल्सीप्रसाद अधिकारीले बताउनुभयो । पक्राउ परेका दासलाई आवश्यक कारबाहीका लागि जिल्ला प्रहरी कार्यालय महोत्तरीमा जिम्मा लगाइएको छ । सात वर्षकी ती बालिका बारीमा तरकारी टिप्न गएका बेला उनको मुख थुनी बलात्कार गरेको अभियुक्त दासले स्वीकार गरेको प्रहरीको भनाइ छ । पीडित बालिकालाई बर्दिवास अस्पतालमा उपचार गराई उनका अभिभावकलाई जिम्मा लगाइएको छ ।