वृद्धामाथि सामुहिक बलात्कार

भिडियो हेर्नको माथि को बक्स मा डबल क्लिक गर्नु होस्

८ भदौ, रौतहट । रौतहटको दक्षिणीभेग पथरावुधराम गाविसका एक वृद्धा महिलामाथि सामुहिक बलात्कार भएको छ । गएराति घर नजिकै शौच गर्न गएकी ५० वर्षीया वृद्धालाई स्थानीय चारजना युवाले कपडाले मुख बाँधेर पालैपालो बलात्कार गरेको बताइएको छ । वृद्धालाई बलात्कारीको पन्जाबाट छुटाउन गएका छोरालाई समेत बलात्कारीहरुले कुटपिट गरी घाइते बनाएका छन् । उनलाई स्थानीय मनोज यादव, सुरेश यादव, रामभजु यादव र कृतन यादवले बलात्कार गरेको बताइएको छ । कुटपिट र बलात्कारबाट घाइते आमाछोराको अहिले जिल्ला अस्पताल गौरमा उपचार भइरहेको प्रहरीले जनाएको छ । जिल्ला प्रहरी कार्यालय रौतहटका प्रहरी निरीक्षक रवीन विष्टले पीडित महिलाको स्वास्थ्य परीक्षण भइसकेको बताउँदै प्रतिवेदन आएपछि मात्र तथ्य पत्ता लाग्ने बताउनुभयो । आरोपी चारैजनाको खोजी भइरहेको छ । रासस