चुनावमा धाँधली हुन दिदैनौं : पुन

भिडियो हेर्नको माथि को बक्स मा डबल क्लिक गर्नु होस्

दाङ, भाद्र १ - एमाओवादीका नेता नन्दकिशोर पुनले संविधानसभा निर्वाचन धाँधलीरहित बनाउन पूर्व लडाकु र वाइसिएल सक्रिय रहने बताएका छन् । क्रान्तिकारी पत्रकार संघले शनिबार घोराहीमा आयोजना गरेको पत्रकार भेटघाटमा बोल्दै पुनले कसैले चुनाव बिथोल्न खोजे त्यसलाई विफल पार्न पूर्व लडाकु र वाइसिएलले महत्वपूर्ण भूमिका खेल्ने जानकारी दिए । उनले हरेक निर्वाचन बुथमा युवाहरु खटिने र उनीहरुले जनताको भयरहित बातावरणमा भोट हाल्नपाउने अधिकारलाई संरक्षण गर्ने धारणा राखे । नेकपा माओवादी पनि निर्वाचनप्रति सकारात्मक भएकाले मंसिर ४ मै चुनाव सम्पन्न गर्न कठिनाइ नहुने बिचार पुनले व्यक्त गरे । जनसम्बन्ध सुधार अभियान अन्तर्गत दाङका बिभिन्न गाउँ पुगेका पुनले जनताले नेताहरु चुनाव आउँदा मात्र गाउँ पस्ने गरेको गुनाशो पोखेको बताए । अब नेताहरुले जनताप्रति जिम्मेवार भएर काम गरेमा नागरिकमा आएको निराशा कम हुने धारणा पुनको थियो ।