याहुमा नयाँ हाकिम

भिडियो हेर्नको माथि को बक्स मा डबल क्लिक गर्नु होस्

इन्टरनेट जाएन्ट कम्पनी याहुले नयाँ अध्यक्ष नियुक्त गरेको छ । सूचनाप्रविधिको क्षेत्रमा लामो अनुभव बटुलेका सिलिकन भ्यालीका लगानीकर्ता समेत रहेका मेनार्ड वेब याहुको अध्यक्षमा नियुक्त भएका हुन् । विज्ञापन व्यापार बढाउन संघर्ष गरिरहेको याहुले फ्रेड एमोरोसोलाई प्रतिस्थापन गर्दै वेबलाई कम्पनीको कुर्सी सुम्पिएको हो ।

अपि्रलदेखि याहुको अन्तरिम अध्यक्ष रहिआएका वेब सन् २०१२ को फेेब्रुअरी देखि याहुमा निर्देशकको रुपमा रहेका छन् । उनी अनलाइन खरीद बिक्रि कम्पनी इ बे का पूर्व मुख्य अपरेटिङ अफिसर समेत हुन् ।

कुनैबेला विश्वको सबैभन्दा सफल इन्टरनेट कम्पनीको रुपमा रहेको याहुको पछिल्लो दिनमा कमाइ घट्दै गएको छ । प्रतिस्पर्धी कम्पनीहरु गुगल र फेसबुकतर्फ उपभोक्ता तथा विज्ञापनदाताको आकर्षण बढेपछि याहुको राजस्व घट्दै गएको हो ।

प्रमुख कार्यकारी मारिसा मेयर याहुको पुरानो शाख स्थापित गर्न तथा प्रयोगकर्ता र विज्ञापनदाताको विश्वास आर्जन गर्दै कमाइमा समेत वृद्धि गर्न पछिल्लो एक वर्ष कम्मर कसेर लागिरहेकी छिन् ।

‘मेनार्ड वेब सन् २०१२ मा याहुको कार्यकारी बोर्डमा आबद्ध भएयता उहाँको नेतृत्व र मार्गनिर्देशन हाम्रालागि अमूल्य बनेको छ’, याहुले आफ्नो विज्ञप्तीमा भनेको छ ।