अनलाइनमा पनि बिक्यो जीवन र नीताको रोमान्स

भिडियो हेर्नको माथि को बक्स मा डबल क्लिक गर्नु होस्

नेपाली सिनेमाले हलमा राम्रो व्यापार नगरेपनि डीजीटल माध्यमबाट भने सकारात्मक सुरुवात गरेको छ । केही दिन अघि मात्र अनलाइन मार्फत सार्वजनिक गरिएको योगेश घिमिरे निर्देशित चलचित्र ‘नोटबुक’ले राम्रो कमाई गरेको वुझिएको छ ।इन्टरटेन्ट नेपाल मार्फत अनलाइनमा हेर्न सकिने यो चलचित्रले एक सातामै ५८८ डलरको कमाइ गरेको निर्देशक घिमिरेले बताएका छन् । उनका अनुसार एक पटक हेर्दा दर्शकले ४ डलर ९९ सेन्ट खर्चनु पर्दछ । जसमध्ये निर्माताको हातमा १ डलर ७५ सेन्ट पर्दछ । आजसम्म यो सिनेमालाई ३३६ जनाले अनलाइनमा हेरेका छन् । यो अहिले सम्म अनलाइन मार्फत सार्वजनिक भएका नेपाली सिनेमाहरु मध्येकै सबैभन्दा धेरै कमाई हो ।

जीवन लुइटेल, नीता ढुंगाना, सेन सापकोटा लगायतका कलाकारले अभिनय गरेको यो चलचित्रलाई प्रज्ञा जोशीले निर्माण गरेकी हुन् । चलचित्रले नेपालमा पनि राम्रो व्यापार गरेको थियो ।