डाँडादेखि डाँडासम्म साइकल दौडमा तामाङ प्रथम

भिडियो हेर्नको माथि को बक्स मा डबल क्लिक गर्नु होस्

भरतबन्धु थापा

९ भदौ, काठमाण्डौ ।  हिमालयन सिंगल ट्रयाकको आयोजनामा साइकल पर्यटनको प्रर्वद्धनका लागि दोस्रो ‘डाँडादेखि डाँडासम्म साइकल दौड’ प्रतियोगिता आएमान तामाङ प्रथम भएका छन् । साइकल यात्रामा राजकुमार श्रेष्ठ दोस्रो र नारयणगोपाल महर्जन तेस्रो भएका छन् । बुढानीलकण्ठको पानी मुहानबाट सुरु भएको साइकल दौडको पहिलो खण्डमा नागी गुम्बा -तारेभिर -मूलखर्क हुँदै सुन्दरीजलसम्म यात्रा तय भएको थियो । जसको दुरी १४ दशमलब ५ किलोमिटर रहेको थियो भने दोस्रो खण्ड साँखुको मुलढोकाबाट सुरु भएर कात्तिके भन्ज्याङ्गसम्म १३ किलोमिटर दुरी रहेको थियो ।

यो दुरी पार गर्नका लागि तामाडले १ घण्टा ५१ मिनेट ०७ सेकेण्ड लगाएका थिए । त्यस्तै राजकुमार श्रेष्ठले १ घण्टा ५१ मिनेट ५१ सेकेण्ड मा दुरी पार गर्दै दोस्रो स्थानमा चित्त बुझाएका छन् । निर्धारित दुरी १ घण्टा ५३ मिनेट ३७ सेकेण्डमा पार गर्दै नारायणगोपाल महर्जनले तेस्रो स्थान बनाएका छन् ।प्रतियोगितामा ४८ जनाले सहभागिता जनाएका थिए । प्रतियोगितामा प्रथम, द्वीतीय र तृतीय हुनेलाई क्रमशः ६ हजार, ५ हजार र ४ हजार रुपैयाँसहित प्रमाणपत्र प्रदान गरिएको छ ।

प्रतियोगिताको मूल उद्देश्य नेपालको पर्यटन प्रवद्धनसहित साइकल चढ्ने बानीको विकास गर्नका लागि आयोजना गरिएको हिमालयन सिंगल ट्रयाकका प्रबन्धक धनजीत राईले अनलाइनखबरलाई बताउनुभयो । यस्ता प्रतियोगिताले नेपालमा साइकलको व्यवसायिक विकासमा सहयोग पुग्ने उहाँले बताउनुभयो ।