माओवादीका ७० पूर्वलडाकू आजदेखि सैनिक अधिकृत

भिडियो हेर्नको माथि को बक्स मा डबल क्लिक गर्नु होस्

१० भदौ, काठमाण्डौं । माओवादीका ७० जना पूर्वलडाकूहरुले आजदेखि नेपाली सेनाका अधिकृतका रुपमा काम सुरु गर्ने भएका छन् । भक्तपुरस्थित नेपाली सेनाको खरिपाटी तालिम केन्द्रमा तालिम लिइरहेका ७० जनालाई आज एक कार्यक्रमका बीच नेपाली सेनाको उपसेनानीको दज्यानी चिह्न प्रदान गरिने सैनिक जनसम्पर्क निर्देशनालयले जनाएको छ । खरिपाटीमा आयोजित औपचारिक कार्यक्रममा मन्त्रिपरिषद अध्यक्ष खिलराज रेग्मी, एमाओवादी अध्यक्ष प्रचण्ड, पूर्वप्रधानमन्त्री डा. बाबुराम भट्टराईलाई समेत निम्त्याइएको सेनाले जनाएको छ । पूर्वलडाकू मध्ये ७१ जनाले अधिकृतका लागि योग्य भएपनि एकजनालेबीचमै तालिम छोडेकाले ७० जनाले अधिकृतको आधारभूत तालिम लिएका थिए । दज्यार्नी चिन्ह पाएका सेनाले तीन महिनासम्म ब्रिजकोस गर्नुपर्ने र त्यसपछि विभिन्न पदमा नियुक्ति दिइने सेनाले जनाएको छ । माओवादीका १९ हजार ९ सय २ लडाकु मध्येबाट छानिएका ७१ जनामा १ जनालाई महासेनानी, २ जनालाई प्रमुख सेनानी, १३ जनालाई सेनानी, ३० जनालाई सहसेनानी र बाँकीलाई उपसेनानीको दर्जा दिइने छ ।