मुग्लिनमा मिनीट्रक दुर्घटना, दुईको मृत्यु

भिडियो हेर्नको माथि को बक्स मा डबल क्लिक गर्नु होस्

<८ भदौ, चितवन । चितवनको मुग्लिन नजिकै ग्रामीण सडकमा भएको मिनीट्रक दुर्घटनामा आज दुईजनाको मृत्यु भएको छ । अन्य एकदर्जन घाइते भएका छन् । दुर्घटनामा परी मृत्यु हुनेमा दारेचोक गाविसकी डम्बरकुमारी थापा र पश्चिम चितवन जगतपुरका हरिप्रसाद सुवेदी रहेको चितवन प्रहरीले जनाएको छ । घाइतेमध्ये ६ जनाको अवस्था गम्भीर रहेको छ । केही घाइतेको मुग्लिन उपचार भइरहेको र केहीलाई भरतपुर ल्याइएको इलाका प्रहरी कार्यालय मुग्लिनले जनाएको छ । यहाँको ग्रामीण क्षेत्र तामिनबाट मुग्लिन आउँदै गरेको ना३ख ३००४ नम्बरको मिनीट्रक दुर्घटनामा परेको हो । ब्रेकले काम गर्न छाडेपछि दुर्घटनामा परेको र करिब १५० मिटर तल खसेको बताइएको छ । ट्रकका चालक इलाका प्रहरी कार्यालय मुग्लिनको नियन्त्रणमा रहेका छन् । रासस