भिडियो हेर्नको माथि को बक्स मा डबल क्लिक गर्नु होस्
पर्सा, भाद्र १ - बोक्सीको आरोपमा गाउँलेले सुपौली-९ की ४५ वर्षीया पार्वतीदेवी चौधरीको हत्या गरेका छन् । हत्यापछि पीडकहरूले पार्वतीका पतिलाई आफ्नो नियन्त्रणमा राखे पनि उनी उम्किएर प्रहरीमा उजुरी गर्न पुगेपछि गाउँका सबै पुरुष घर छाडेर भागेका छन् । घटना गम्भीर भएकाले जानकारी पाउनेबित्तिकै गाउँमा सुरक्षाकर्मी परिचालन गरिएको छ । प्रहरी नायब उपरीक्षक वासुदेव खतिवडाले पीडितलाई उद्धृत गर्दै बताएअनुसार छिमेकी जगदीश चौधरीकी छोरी प्रतिमालाई तन्त्रमन्त्र लगाएको भन्दै जगदीशका छोरा अनिल, धनराज, नवीन, विश्राम र स्वयं प्रतिमासहित गाउँलेको समूहले पार्वतीलाई बिहीबार राति करिब १२ बजे आक्रमण गरेको थियो । पार्वतीलाई उनीहरूले लछारपछार गरी घरबाट निकाली स्थानीय मोहन चौधरीको घरअगाडि पुर्याएर कुटपिट गरेका थिए । आक्रमणका क्रममा राति करिब १ बजे पार्वतीको मृत्यु हुन पुगेको थियो । उनको हत्यापछि गाउँलेले रातभर र शुक्रबार दिनभर पार्वतीका पति भगवान राउतलाई नियन्त्रणमा राखेर गाउँबाट निस्कन दिएका थिएनन् । तर भगवान त्यहाँबाट उम्किएर साँझ करिब ५ बजे इलाका प्रहरी कार्यालय पटेर्वा सुगौलीको सम्पर्कमा आउन सफल भएका थिए । उनी प्रहरी सम्पर्कमा आएलगत्तै गाउँका सबै पुरुष फरार भएका हुन् । प्रहरीले घटनामा संलग्न भएको आरोपमा स्थानीय ५० वर्षीया पासपती देवीलाई पक्राउ गरेको छ । अनुसन्धानका लागि १५ वर्षीया सीमा कुमारी र ३५ वषर्ीया रेणु देवीलाई समेत नियन्त्रणमा लिएको छ । घटना संवेदनशील भएकाले आसपासमा सबै प्रहरी युनिटलाई घटनास्थलमा पठाइएको छ । शवलाई परीक्षणका लागि नारायणी उपक्षेत्रीय अस्पताल वीरगन्जमा ल्याइएको छ । घटनास्थल सदरमुकाम वीरगन्जबाट करिब ४० किलोमिटर पश्चिममा पर्छ । डेढ साताअघि विश्रामपुर-१ की ६५ वर्षीया एकल महिला सरस्वती चौरसियालाई पनि बोक्सीकै आरोपमा कुटपिट गर्दै आफन्तले मलमूत्र खुवाएका थिए । उनी अझै घर र्फकन सकेकी छैनन्
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.