मोटरसाईकल चोर्ने दुई युवती पक्राउ

भिडियो हेर्नको माथि को बक्स मा डबल क्लिक गर्नु होस्

कञ्चनपुर, असार २४ - कञ्चनपुर प्रहरीले मोटरसाईकल चोरीमा संलग्न दुई युवतीलाई सोमबार पक्राउ गरेको छ । प्रहरीले भिमदत्त नगरपालिका ६ ऐठपुरकी गिता चुनारा र सुडा ५ की ऋतिका बमलाई पक्राउ गरेको हो । प्रहरीले चुनारा र बमलाई चोरीको मोटरसाईकल बिक्री गर्न सघाउने भिनपा २ उल्टाखामका हरिस बोहरालाई पनि पक्राउ गरेको छ । उनीहरुले महेन्द्रनगर घुम्न आएका भारतको उत्तराखण्ड बनबसाका प्रकाशसिंह दयालको युके ०७ केआर४०२० नम्बरको मोटरसाईकल बुधबार चोरी गरि कृष्णपुर गुलरियाका तेजराज भट्टसंग १३ हजारमा बिक्रि गरेको प्रहरी नायब उपरिक्षक बृख बहादुर रावलले जानकारी दिए । उनले मोटरसाईकल फेला परेपनि खरिद गर्ने भट्ट फरार रहेकाले उनको खोजी भईरहेको बताए ।