'र' प्रेमी ओझा

भिडियो हेर्नको माथि को बक्स मा डबल क्लिक गर्नु होस्

असफल श्रीमान् र सफल निर्माता भनिन्छ छवि ओझालाई। उनी 'र'लाई असाध्यै माया गर्छिन्। श्रीमतीका रूपमा 'र' तीनजना महिलासँग जोडिसके। पछिल्लो समय रेखा थापासँगको सम्बन्ध 'र' बाट 'तर' हुँदै फिल्म 'लोफर'पछि व्यावसायिक तथा पारिवारिक रूपमै 'पर' भयो। उनले यो फिल्मबाट नयाँ 'र' भित्र्याएका छन्। ती हुन् रजनी थापा। 'र'बाटै नाम सुरु भएकी थापा नै थरकी युवती रेखालाई काउन्टर दिन ल्याएको हल्ला फिल्मनगरीमा व्यापक छ। सुटिङमा आउजाउ गर्ने र फिल्मको पोस्टर हेर्नेले रजनीलाई रेखासँग तुलना पनि गर्न थालेका छन्। उनीहरू भन्छन्, 'छविले रेखाको उत्तराधिकारी ल्याएका रहेछन्।' यो पनि खुलाइदिए हुन्थ्यो, फिल्ममा मात्रै हो कि घरमा पनि!