हात मिलाउँदा यसरी थाहा पाउन सकिन्छ व्यक्तिको चरित्र

भिडियो हेर्नको माथि को बक्स मा डबल क्लिक गर्नु होस्

कोही साथीसँग भेट हुँदा हात मिलाउनु एक आम संस्कार नै हो । हामीले हात मिलाएर साथीसँग सामान्य शिष्टाचार निर्वाह गर्छौँ अनि हात छुटाएर अन्य कुराको प्रसँग सुरु गर्छौँ । हात मिलाइरहँदा उसको हत्केलाको विषयमा हाम्रो ध्यान जाँदैन । तर यदि राम्ररी बुझ्न सक्ने हो भने र हात मिलाउँदाको समयमा केही कुरामा ध्यान दिने हो भने तपाइँले आफुसँग हात मिलाइरहेको व्यक्तिको भावना तथा व्यवहारका विषयमा धेरै कुरा पत्ता लगाउन सक्नुहुनेछ ।

हस्तरेखा शास्त्रका अनुसार यदि कोही व्यक्तिको हत्केला पातलो, कठोर तथा सुख्खा छ भने त्यो व्यक्ति चिन्ताबाट गुजि्ररहेको हुन्छ भन्ने बुझ्नुपर्छ । त्यस्तो हत्केला हुने व्यक्ति अधिकांस समय चिन्तामा तथा अन्योलमा रहन्छ । यस्ता मानिस कुनै पनि कार्यलाई राम्रोसँग गर्न असक्षम हुन्छ ।

जो व्यक्तिका हत्केला मोटा, वजनदार तथा कोमल हुन्छन् त्यो व्यक्ति विलासी तथा कामुक हुन्छ । यस्ता व्यक्ति आफ्नो जिवन सुख सुविधामा बिताउन चाहने खालका हुन्छन् । यस्ता व्यक्तिले ऐश आरामका सबै चिज प्राप्त गर्न चाहन्छन् ।

त्यस्तै जुन व्यक्तिका हत्केला पातला, कोमल तथा नरम हुन्छन् त्यस्ता मानिस अल्छी, आराम गरिरहन चाहने तथा यौनका भोगी हुन्छन् । यस्ता मानिसले आलस्यको कारण बेलाबेलामा क्षति समेत भोग्नुपर्छ ।

हस्तरेखा विज्ञहरुका अनुसार कठोर हत्केलावाला व्यक्तिहरु मिहिनेती हुन्छन् । यदि सबै औँलाहरु हत्केलाको समान भागबाट उठेका छन् भने त्यस्ता व्यक्तिहरु स्थिर मनका धनी, मिहिनेती, बुझक्कड, समझदार हुन्छन् ।

जुन व्यक्तिको हत्केलामा खाल्डो हुन्छ त्यस्ता व्यक्तिहरु दुर्भाग्यशाली हुन्छन् । हत्केलामा खाल्डो हुनु शुभ होइन । यस्ता मानिसहरुको जिवनमा दुख आइरहन्छ ।

सानो हत्केला हुने व्यक्तिभन्दा चौडा हत्केला हुने व्यक्ति सोँच विचारले काम गर्ने खालको हुन्छ । सानो हत्केला हुने मानिसका ह्याण्डराइटिङ पनि उति राम्रो नहुने बताइन्छ ।

हत्केला तथा औँला लचिलो हुने व्यक्ति प्रतिकुलता तथा कठीन परिस्थिति सँग जुध्न सक्षम हुन्छ । यस्ता व्यक्तिहरु धैर्यवान र अरुको कुरा सुन्न सक्ने खालका हुन्छन् । त्यसको विपरित जसको हत्केला कठोर हुन्छ उनीहरु जिद्दी, अरुको कुरा नसुन्ने, अरुलाई विश्वास नगर्ने तथा अधीर हुन्छन् ।

त्यसैले अब कोही साथीसँग हात मिलाउँदा केहीबेर उसको हत्केला आफ्नो हत्केलामा अठ्याएर उल्लेखित कुराहरु मनन गर्नुहोस् । एकचोटी उसको हातमा पनि हेर्नुहोस् र अनुमान लगाउनुहोस् तपाइँको साथीको चरित्र कस्तो छ भनेर । अनि साँच्ची ऊ सँगको हेलमेलबाट अनुभुत गरेका कुराहरुसँग दाँज्नुहोस् मेल खान्छ की खाँदैन ?