भारतीय चिकित्सकद्धारा निःशुल्क स्वास्थ्य परिक्षण

भिडियो हेर्नको माथि को बक्स मा डबल क्लिक गर्नु होस्

२५ असार, काठमाडौं । भारतको म्याक्स हस्पिटलका बरिष्ठ चिकित्सकद्धारा नेपाली विरामीहरुको निःशुल्क स्वास्थ्य परिक्षण भएको छ । मंगलबार र बुधबार दुई दिनसम्म चल्ने शिविरमा भारतका मुटु रोग र स्त्रीरोग विशेषज्ञहरुले नेपालीहरुको स्वास्थ्य परिक्षण गरिरहेका छन् । शिविरको मंगलबार भारतीय राजदूतावासका प्रथम सचिव सुमिती एस. रावले उद्घाटन गर्नुभयो ।

गान्धि ग्लोबल फेमीली नेपालको आयोजनामा संचालित शिविरलाई नेपाल-भारत मानव विकास एवं मैत्री संघ र नेपाल-भारत मैत्री हस्पीटलले सहयोग गरेका छन् । शिविर काठमाडौंको मित्रपार्कमा चलिरहेको छ । शिविर उदघाटन गदै रावले भारत र नेपालवीचको सम्बन्धलाई शिविरले थप मजबुद बनाउने विश्वास व्यक्त गर्नुभयो ।

नेपाल-भारत मानव विकास एवं मैत्री संघका अध्यक्ष सुर्य भुषालले नेपालीहरुले भारतका वरिष्ठ चिकित्सकबाट स्वदेशमै स्वास्थ्य परिक्षण गर्ने अवसर पाएको बताउनुभयो । भारत र नेपालवीच साझा आर्थिक एजेण्डा अगाडी बढेका कारण विकाश निर्माणका अतिरिक्त स्वास्थ्य र शिक्षामा समेत सम्बन्ध नजिकिँदै आएको उहाँको जिकिर छ ।

गान्धि ग्लोबल फेमिलीका केन्द्रीय अध्यक्ष अशोक कपुर गान्धिले मानिसको जिवनलाई स्वस्थ राख्न नियमित स्वास्थ्य परिक्षण गर्नुपर्नेमा जोड दिनुभयो । दुई दिने स्वास्थ्य शिविरमा ३ सय जना विरामीको स्वास्थ्य परिक्षण हुने र निःशुल्क रुपमा औषधिसमेत उपलब्ध गराउने पवन पाठकले बताउनुभयो । स्वास्थ्य परिक्षणका लागि युवा युवतिदेखि वृद्धवृद्धासम्म शिविरमा आएका छन् ।