परिवारका ११ सदस्यसहित पूर्वराजा सुदूरपश्चिम बाढीपीडितलाई राहत बाँड्ने कार्यक्रम

भिडियो हेर्नको माथि को बक्स मा डबल क्लिक गर्नु होस्

धनगढी, श्रावण ७ - परिवारका ११ सदस्यसहित पूर्वराजा ज्ञानेन्द्र शाह सुदूरपश्चिम आएका छन् । उनी साता दिन यहाँ बस्ने जनाइएको छ । सुदूरपश्चिमका बाढीपिडितलाई राहत वितरण गर्न सोमवार बुद्ध एयरको नियमित फ्लाइटबाट ज्ञानेन्द्र, पत्नी कोमल, छोरी प्रेरणा र अन्य ९ जना परिवारका सदस्य लिएर धनगढी आएका हुन् । पूर्वयुवराज्ञी हिमानी र छोरा हिरेन्द्र आइतबार नै धनगढी आइपुगेका छन् । स्वागतका लागि पूर्व युवराज्ञी हिमानी छोरालाई लिएर गेटा विमानस्थल पुगेकी थिइन् । पूर्व राजपरिवारको स्वागत गर्न उनका समर्थकहरु बिमानस्थल पुगेका थिए । विमान्स्थलमा ज्ञानेन्द्र होटल रुवस सम्मको एक किलोमिटर दुरी पैदल तय गरेका थिए । पूर्वराजपरिवार सवारी व्यवस्था समितिका सचिव छत्र शाहीले पूर्व राजपरिवारको धनगढी बसाई एक साता भन्दा लामो रहने बताएका छन् । उनका अनुसार हिमानी ट्रस्ट कोषको २५ लाख र कोषमा संकलन भएको थप २५ लाख गरि ५० लाख बरावरको राहात दार्चुला, कैलाली र कञ्चनपुरका बाढीपिडितलाई वितरण गर्ने कार्यक्रम छ ।