विश्वकै ठूला पाइताला भएका पुरुषले भेटे सबैभन्दा होँची महिला (फोटोफिचर सहित)

भिडियो हेर्नको माथि को बक्स मा डबल क्लिक गर्नु होस्

विश्वमा सबैभन्दा ठूलो आकारका पाइताला भएका मोरक्कोका ब्राहिम टाकिउल्लाह र विश्वकी सबैभन्दा होँची महिला भारतकी ज्योति अम्गेबीच भेट भयो । उनीहरुबीच भेटघाट मात्र भएन मज्जाको फोटोसेसन पनि चल्यो ।

१ फिट ३ इन्च लामा पाइताला भएका ३१ वर्षे ब्राहिम र केवल २ फिट अग्लो सरीर भएकी १९ वर्षकी ज्योतीले खिचाएका तस्वीर हेर्दा ब्राहिमका खुट्टा सामु ज्योतिको जिउ समेत निकै सानो प्रतित हुन्छ ।

ब्राहिम विश्वका सबैभन्दा लामा पाइताला भएका व्यक्ति मात्र होइनन् विश्वका दोश्रो अग्ला व्यक्ति हुन् जसको उचाई ८ फिट १ इन्च छ ।

उनीहरुबीचको यो अनौठो फोटोसेसन वास्तवमा एउटा नयाँ कामका लागि जुराइएको थियो । विश्वका मानिसहरुको पाइतालाको तस्वीरको सबैभन्दा वृहत संग्रह तयार पार्ने अभियान अमेजिङ फिट च्यालेन्जका लागि सबैभन्दा ठूलो तथा सबैभन्दा सानो पाइताला भएकी यी दुइको तस्वीर पनि खिचिएको हो ।

यो अभियान अन्तरगत ५० हजार जोडी पाइतालाका तस्वीर संग्रह गरी गिनिज बुकमा नाम लेखाउने लक्ष्य राखिएको छ । निम्न लिंकमा गएर आफ्ना पाइतालाका तस्वीर समेत समावेश गर्न सकिने बताइएको छ ।