भिडियो हेर्नको माथि को बक्स मा डबल क्लिक गर्नु होस्
एसियाको नोवेल पुरस्कारका रुपमा ख्याती कमाएको म्यागासेसे पुरस्कार यस बर्ष नेपालको शक्ति समूहले पाएको छ । रोमन म्यागासेसे फाउण्डेसनको मनिलामा बसेको बैठकले नेपालको शक्ति समूहसहित दुई संस्था र तीन ब्यक्तिलाई यस बर्षको पुरस्कार दिने निर्णय गरेको हो ।
शक्ति समूह महिला बेचबिखनबिरुद्ध क्रियाशिल महिलाहरुको समूह हो जसले उनीहरुको पुनस्थापना लगायतका काम गर्दै आएको छ । मुम्बईको कोठीबाट उद्धार गरिएका नेपाली चेलीहरुले स्थापना गरेको यो संस्थामा चरिमाया तामाङ पनि संलग्न छिन जसलाई सन् २०११ मा अमेरिकी बिदेशमन्त्री हिलारी क्लिन्टनले ह्वाइटहाउसमा ‘हिरो अफ द इयर’ अवार्डले सम्मान गरेकी थिइन् ।
सन् १९९६ मा मुम्बई प्रहरीले छापा मारेर उद्दार गरिएका १ सय ४८ जना नेपाली चेलीमध्येका केही अगुवाहरुले सन् २००० मा शक्ति समूह गठन गरेका थिए । त्यसयता शक्ति समूहले बेचिएर उद्धार गरिएका चेलीको पुर्नस्थापना, सीपमूलक तालिम लगायतका कार्यक्रम संचालन गर्दै आएको छ ।
योसँगै अफगानिस्तानकी पहिलो महिला गर्भनर हविवा सरावी, म्यानमारका मानवअधिकारबादी लेवाई सेङ, इन्डोनेसियाको भ्रष्टाचार निवारण आयोग र फिलिपिन्सका चिकित्सक अर्नेष्टो डोमिङगोले पनि यस बर्षको म्यागासेसे पुरस्कार पाएका छन् ।
पुरस्कारको घोषणासँगै शक्ति समूहले खुसी ब्यक्त गर्दै सहयोग गर्ने सवैलाई धन्यवाद दिएको छ । नेपालमा यसअघि महावीर पुन, भारतदत्त कोइराला र महेशचन्द्र रेग्मीले यो पुरस्कार पाइसकेका छन् ।
आगामी अगष्ट ३१ तारिखमा मनिलामा हुने बिशेष कार्यक्रममा शक्ति समूहले पुरस्कारस्वरुप ५० हजार अमेरिकी डलर प्राप्त गर्ने छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.