मंसिर ४ मा चुनाव हुन्न : यादव नेकपा-माओवादीसँग कुनै सम्बन्ध छैन

भिडियो हेर्नको माथि को बक्स मा डबल क्लिक गर्नु होस्

काठमाडौ, श्रावण ७ - मधेसी जनअधिकार फोरम नेपालका अध्यक्ष उपेन्द्र यादवले मंसीर ४ गते कुनै हालतले संविधानसभाको निर्वाचन हुन नसक्ने बताएका छन् । मिडिया इन्टरनेसनलले आज काठमाडौंमा गरेको अन्तरक्रिया कार्यक्रममा अध्यक्ष यादवले ठूला तीन दल र बर्तमान सरकारले नै निर्वाचन गराउन नचाहेको आरोप लगाए । उनले संविधान बन्ने सुनिश्चितता नभएसम्म संविधानसभाको निर्वाचनको कुनै औचित्य नभएको भन्दै केही नेता र निर्वाचन आयोगले चुनाव हुन्छ भन्दैमा चुनाव हुन नसक्ने दाबी गरे । 'हामी सार्थक चुनाव र संविधनानसभाको सुनिश्तिचता चाहन्छौं, हामी चुनाव बहिस्कारको पक्षमा छैनौं', यादवले भने । नेतृत्वमा रहेको नेकपा-माअेवादीसँग आफ्नो पार्टीको कुनै सम्बन्ध नरहेको प्रष्ट पार्दे उनले बर्तमान अबस्थामा गोलमेच सम्मेलन गरेर पनि निकास निस्कन नसक्ने उल्लेख गरे ।