पहिरोमा परी स्याङ्जामा पनि २ जनाको मृत्यु

भिडियो हेर्नको माथि को बक्स मा डबल क्लिक गर्नु होस्

स्याङजा, श्रावण ७ - अविरल वर्षाका कारण पहिरोमा परी एक नावालिकासहित दुईको मृत्यु भएको छ भने एक वेपत्ता भएका छन् । सेखाम-७ खानीगाउँमा कमल विकको घर पहिरोले भत्किदा विककी तीन महिनाकी छोरी मिना विकको घटनास्थलमा नै मृत्यु भएको हो । जिल्ला प्रहरी कार्यालय स्याङजाका प्रहरी निरीक्षक सुभाष खड्काका अनुसार कुवाकोट ४ की २४ वर्षीया रिता भट्टराई विहान पानी लिन जाँदा पहिरोमा पुरिएर वेपत्ता भएकी छन् भने चिन्नेवास ७ का ३० वर्षीय दिलवहादुर सार्कीको बाटोमा हिड्दै गर्दा पहिरो पुरिएर मृत्यु भएको छ । वेपत्ता भट्टराईको खोजीकार्य भईरहेको जिल्ला प्रहरी कार्यालय स्याङजाले जनाएको छ ।