अमेरिका छिर्न खोज्ने १० नेपाली मेक्सिकोमा पक्राउ

भिडियो हेर्नको माथि को बक्स मा डबल क्लिक गर्नु होस्

मेक्सिको सिटी – मेक्सिकोबाट ट्रकमा लुकेर अमेरिका छिर्न खोज्ने १० जना नेपालीलाई त्यहाँको सीमा प्रहरीले पक्राउ गरेको छ। प्रहरीले ९४ अवैध आप्रवासीलाई पक्राउ गर्ने क्रममा अमेरिका छिर्न खोज्ने १० जना नेपाली र ९ बंगलादेशी पक्राउ परेका हुन्। अध्यागमनमा राखिएको स्क्यान मेसिनको सहयोगले उनीहरु ट्रकमा लुकेर बसेको पत्ता लगेपछि पक्राउ गरिएको अधिकारीहरुले जनाएका छन्। पक्राउ पर्नेहरुमा ग्वाटेमाला, एल साल्भाडोर र होण्डुरस लगायतका मुलुकका पनि छन्। ट्रकमा निकै अवमानीय अवस्थामा लुकिरहेका बेला उनीहरु पक्राउ परेको अधिकारीहरुले बताए। ट्रकमा अमानवीय र यातनापूर्ण तरिकाले बसेकाले धेरै जसोको हात र खुट्टामा चोट लागेको र श्वासप्रश्वासमा समस्या भएका कारण कतिपय बिरामी अवस्थामा भेटिएको मेक्सिकोको नेसनल माइग्रेसन इन्स्टिच्यूटले जनाएको छ।