प्रहरीको ६ हजार पदमा ३० हजार आवेदन, छनौट लोकसेवाले गर्ने

भिडियो हेर्नको माथि को बक्स मा डबल क्लिक गर्नु होस्

९ साउन, काठमाण्डौं । प्रहरी निरीषक र प्रहरी जवानका लागि प्रहरी प्रधान कार्यालयले मागेको आवेदनमा चार गुणा बढी आवेदन परेको छ । ६ हजार २ सय ९४ जनाले आवेदन दिएका छन् ।

सरकारले हालै स्वीकृत गरेको दरबन्दी पूरा गर्न एक महिनाको समय तोकेर प्रहरी प्रधान कार्यालयले एक सय ३८ प्रहरी निरीक्षकसहित ६ हजार २ सय पदका लागि आवेदन मागेको थियो । प्रधान कार्यालय र पाँच वटै क्षेत्रमा लिइएको आवेदन सोमबार बन्द हुँदा ३३ हजार ६ सय ८ जनाको आवेदन परेको छ ।

असार ६ गते खुला भएको आवेदन साउन ४ गते सकिएको थियो । प्रहरी निरीषकमा खुला ७६ र समावेशीतर्फ आदिवासी जनजाति २०, मधेसी १७, महिला १३, दलित ९ र पिछडिएको क्षेत्र ३ जनाको लागि आवेदन मागिएको थियो । १ सय ३८ जना प्रहरी निरीक्षकका लागि ३ हजार ३ सय १४ जनाको आवदेन परेको कान्तिपुर दैनिकमा खबर छ ।

पारदर्शी बनाउन लोकसेवा

प्रहरीमा भर्ना खुलेसँगै सहजै भर्ना गराइदिन्छु भन्दै रकम उठाएर ठगी गर्ने समूह र आफ्ना व्यक्तिलाई परीषामा उर्त्तीण गराउन दबाब दिनेक्रम ह्वात्तै बढ्छ । प्रहरीमा भर्नाको प्रलोभन देखाएर ठगी गर्नेमा बिचौलिया, दलका नेता र पूर्व प्रहरीसमेत पक्राउ पर्ने गरेका छन् ।

एकसाता अगाडीमात्रै प्रहरीमा भर्ना भएको नक्कली नियुक्तिपत्र बोकेर कामका लागि प्रधानकार्यालय पुगेकी एक महिलाले दिएको सूचनाको आधारमा एक पूर्व प्रहरी कर्मचारी पक्राउ परेका थिए ।

एसएसपी सिलवाल प्रहरी निरीक्षक र प्रहरी जवान सबै परीक्षामा लोकसेवा आयोगका प्रतिनिधि संलग्न हुने भएकाले दबाब र प्रलोभनको भरमा छनोट हुने सम्भावनै नरहेको दाबी गर्छन । ‘अब पारदर्शी भर्ना प्रक्रिया सुरु गर्न लागेका छौं,’ उनले भने । लिखित र मौखिकसँगै यसपालिबाट स्वास्थ्य परीक्षणमा समेत लोकसेवाका प्रतिनिधि संलग्न हुने उनले जानकारी दिए ।