स्कुलको खानाले २१ को मृत्यु

भिडियो हेर्नको माथि को बक्स मा डबल क्लिक गर्नु होस्

बिहार (भारत), श्रावण २ - बिद्यालयमा खुवाइएको बिषाक्त खानाका कारण भारतको बिहारमा २१ बिद्यार्थीको मृत्यु भएको छ । खानाका कारण अन्य दर्जनों बिरामी भएको समाचारमा जनाइएको छ । मृतक र बिरामी सबै बिद्यार्थीहरु १२ बर्ष भन्दा कम उमेरका हुन् । बिहार राज्यको सरन जिल्लाको मसरखस्थित एक सरकारी बिद्यालयमा मंगलबार यस्तो घटना भएको हो । घटनाबारे अनुसन्धान सुरु गरिएको भारतीय अधिकारीले जनाएका छन् । मृतक परिवारलाई २ लाख क्षतिपूर्ति दिइने भारतीय अधिकारीलाई उदृत गर्दै बीबीसीले लेखेको छ । भारतमा बिभिन्न स्थानमा बिद्यार्थीलाई बिद्यालयमा नियमित उपस्थित गराउन दिवा खानाको व्यबस्था गरिएको छ । तर, प्राय स्थानमा सरसफाईको कमी छ । घटनापछि घाइते २८ बिद्यार्थीलाई पटना र छाप्रास्थित अस्पतालमा भर्ना गरिएको छ । उपचारमा संलग्न चिकित्सकले फुड प्वाइजनिङ भएको बताएका छन् । बिहारका मुख्यमन्त्री नितिशकुमार घटनालगत्तै आपतकालिन बैठक ठाकेर बिशेषज्ञ टोलीलाई घटनातर्फ जाने निर्देशन दिएका छन् । गाउालेका अनुसार बिषाक्त खाना कारण पहिले पनि त्यस क्षेत्रमा स्कुले बालबालिका बिरामी हुने गरेका थिए । भारतले लागू गरेको बिद्यालयमा दिवा खाना कार्यक्रम विश्वकै सबैभन्दा ठूलो बिद्यालय पोषण कार्यक्रम हो । गरिब र पिछडिएका बालबालिकालाई लक्षित गरी यस्तो कार्यक्रम ल्याइएको हो ।