अपहरण गरी बालिकाको बलात्कार गर्ने पक्राउ

भिडियो हेर्नको माथि को बक्स मा डबल क्लिक गर्नु होस्

डडेलधुरा, जेष्ठ ४ - एक १३ वर्षीया बालिकालाई तीन दिन अगाडि अपहरण गरि बलात्कार गर्ने एक युवकलाई डडेलधुरा प्रहरीले पक्राउ गरेको छ । आलीताल गाविसको वडा न. ४ का भगिरथ बोहरालाई अपहरण र बलात्कार गरेको अभियोगमा प्रहरीले पक्राउ गरेको हो । बोहरालाई उनकै एक नातेदारको घरबाट बालिकिा सहित पक्राउ गरिएको जिल्ला प्रहरी कार्यालयले जनाएको छ । 'ललाई फकाई बालिकालाई लगेर बलात्कार भएको जानकारीमा आएपछि प्रहरीले पक्राउ गरेको हो' डडेलधुरा जिल्लाका प्रहरी नायव उपरिक्षक कृष्ण प्रसाईले भने 'बालिकाको अवस्था चिन्ताजनक रहेको छ । आवश्यक मेडीकल जांचपछि कानुनी प्रक्रिया सुरु गरिने छ ।' बोहराले बालिकालाई बैशाख ३० गते घरबाट फकाएर लगि आफ्नो भाउजु नातापर्ने आलीताल ४ चौडकै एक घरमा राखेर तिन दिनसम्म बलात्कार गरेको प्रहरीले जानकारी दिएको छ । बालिका अचेत अवस्था भएकाले उपचारका लागि जिल्ला अस्पताल डडेलधुरामा भर्ना गरिएको र थप अनुसन्धान जारी रहेको डिएसपी प्रसाईले बताए ।