आइपिएल फिक्सिङमा दारा सिंहका छोरा पक्राउ

भिडियो हेर्नको माथि को बक्स मा डबल क्लिक गर्नु होस्

मुम्बई- आइपिएलमा स्पट फिक्सिङसँग सम्बन्धित प्रहरी कारबाहीका क्रममा प्रहरीले आज थप तीन जनालाई गिरफ्तार गरेको छ। पक्राउ पर्नेमा दारा सिंहका छोरा विन्दू दारा सिंह पनि रहेका छन्। दारा सिंह बलिउडका प्रख्यात कलाकार र पहलमान पनि थिए। स्वर्गीय सिंहलाई अझै धेरैले रामानन्द सागरको टेलिसिरियल 'रामायण'मा गरेको हनुमानको भूमिकामा सम्झन्छन्। ४९ वर्षीय विन्दू भने रियालिटी टेलिभिजन सो बिग बोस सिजन थ्रीका विजेता थिए। भारतीय क्रिकेटको कलंकका रुपमा खुलासा भएको आइपिएल कान्डमा सिंहको गिरफ्तारीले पहिलो बलिउड कनेक्सन जोडिएको छ। यसअघि पनि प्रहरीले एक कास्टिङ डाइरेक्टर र तेलुगु फिल्म निर्मातासँग सोधपूछ गरिसकेको छ।