१५ दिनमा नेपाली क्रिकेटरको कमाई ८५ लाख

भिडियो हेर्नको माथि को बक्स मा डबल क्लिक गर्नु होस्

८ जेठ, काठमाण्डौं । बर्मुडामा आइसिसी विश्व क्रिकेट लिग डिभिजन ३ को च्याम्पियन ट्रफी उचालेर काठमाण्डौं फर्केको १५ दिन भयो । १५ दिनमा नेपाली टोली १२ वटा कार्यक्रममा सम्मानित भएको छ भने करिब ८५ लाख रुपैयाँ नगद पुरस्कार प्राप्त गरेको छ ।

क्रिकेट टोलीको हौसला बढाउन राजनीतिक दलदेखि विभिन्न संघसंस्थाले आफ्नो क्षमताअनुसार सम्मान गरिरहेका छन् । यसमध्ये चार संस्थाले भने खेलाडीलाई खादा र ताम्रपत्रमै सीमित पारे । अन्य नौ संस्थाले नगद पुरस्कार दिएका छन् ।

नेपाली क्रिकेटरले बर्मुडाबाट फर्केयता सात दिन सम्मान थापे । उनीहरुले बर्मुडाबाट काठमाण्डौं उत्रिएकै दिन २४ बैशाखमा तीन सम्मान थाप्न भ्याएका थिए । यस्तै वैशाख २७ मा पनि एकै दिन तीन कार्यक्रममा उनीहरुलाई सम्मानित गरिएको नयाँ पत्रिकामा खबर छ ।

ती सम्मानमा खेलाडी र अफिसियलहरुले ८४ लाख २० हजार पुरस्कार प्राप्त गरेका छन् । जसमध्ये सरकारले घोषणा गरेको प्रतिव्यक्ति तीन लाख ५० हजारको पुरस्कार मन्त्रिपरिषदबाट पारित भए पनि हस्तान्तरण हुन बाँकी छ । सरकारले हस्तान्तरण गर्न बाँकी रकमलाई समेत जोड्दा हालसम्म एक खेलाडीले पाँच लाख ४३ हजार रुपैयाँ भन्दा बढी प्राप्त गरेका छन् ।