बोलेको कुरा पुरा गर्लान् त सुरेशले ?

भिडियो हेर्नको माथि को बक्स मा डबल क्लिक गर्नु होस्

रोयल्टी संकलन समाजको कार्यबाहक अध्यक्ष भएपछि संगीतकार सुरेश अधिकारीले थुप्रै योजना सार्वजनिक गरेका थिए । उनले ल्याएका योजना पुरा हुने हो भने नेपाली सांगीतिक क्षेत्रमा लागेका श्रष्टाहरुलाई ठूलै राहत मिल्ने छ ।कार्यबाहक अध्यक्षमा काम गरिरहेका सुरेशलाई रोयल्टी संकलन समाजको साधारण सभाले अध्यक्ष पदमा निर्विरोध निर्वाचित गरेको छ । अध्यक्ष पदमा नै उम्मेदवारी दिएका वीपी पाण्डेले अन्तिम समयमा उम्मेदवारी फिर्ता लिएपछि अधिकारी निर्विरोध भएका हुन् ।

यस्तै सदस्य पदमा संगीतकारतर्फबाट चेतन सापकोटा निर्विरोध विजयी भएका छन् । गीतकारतर्फबाट लोकराज अधिकारी र कुमार विवाहित निर्वाचित भएका छन् ।

कार्यबाहक अध्यक्षबाट अध्यक्ष भएपछि अधिकारीलाई काम गर्न सजिलो हुने पक्का छ । यसैले अब उनले अगाडी सारेको योजना पुरा गर्छन् या गर्दैनन् त्यो हेर्न बाँकी छ ।