तपाईको सम्बन्ध कति टिक्छ ? अब फेसबुकले बताइदिन्छ

भिडियो हेर्नको माथि को बक्स मा डबल क्लिक गर्नु होस्

तपाई कसैसँगै अफेयरमा हुनुहुन्छ र यो सम्बन्ध कति टिक्ला भनेर कहिलेकाहीं चिन्तित हुनुहुन्छ ?

अब चिन्ता लिनु पर्दैन् । किनकी सामाजिक संजाल फेसबुकले तपाईको सम्बन्ध कति टिक्छ भन्ने थाहा दिन्छ ।

हालै अमेरिकामा गरिएको एउटा सर्वेक्षणले फेसबुकमा लेखिने ‘रिलेसनसीप स्टाटस’ को आधारमा अफेअर ‘आयु’ अनुमान गर्न सकिने बताएको छ ।

यदि तपाईले फेसबुकको भित्तामा लगातार तीन महिनासम्म ‘इन अ रिलेसनसिप’ लेख्नुभएको छ भने तपाईको अफेयर चार वर्षसम्म टिक्नसक्ने विश्लेषण गरिएको छ ।

सन् २००८ देखि २०११ सम्मको अवधिमा गरिएको अध्ययनअनुसार गर्मी मौसममा सम्बन्ध बढी टुट्ने गरेको पाइएको छ । सर्वेक्षणले सन् २०११ मा सर्वाधिक सम्बन्ध टुटेको जनाएको छ ।

तपाईंले फेसबुकमा कसैप्रति लक्षित गरी ‘इन अ रिलेसनसीप’ स्टाटस तीन महिना वा सोभन्दा बढी अवधिसम्म लेखिरहनु भएको छ भने सो सम्बन्धको आयु बढी हुन सक्छ ।

फेसबुक डाटा वैज्ञानिक बोग्डान स्टेटको संयोजनमा सन् २००८ देखि सन् २०११ सम्म सहभागी अमेरिकी फेसबुक फ्रेण्डहरुको स्टाटस अध्ययन गरिएको थियो ।

फेसबुकले किशोर पुस्ताको ‘रोमान्टिक’ सम्बन्धको मात्र विश्लेषण गरेको हो । विवाहित जोडी उनीहरुको सर्वेक्षणमा सहभागी थिएनन् । कम्तिमा २३ वर्ष उमेरका किशोर पुस्ता मात्र सर्वेक्षणमा केन्द्रित थिए । ’हरेक महिना अस्थीर मित्रताको अन्त्य हुने क्रम निकै रहेको पाइयो’ स्टेटले भने ‘स्थायी भनिएका मित्रहरु पनि टाढिने क्रम बढ्दो रहेछ ।’

त्यस्तै, औसत युवाले महिनाको २० डलरसम्म डेटिङ साइटमा पार्टनर खोज्न खर्चिने गरेको अध्ययनका क्रममा फेला परेको छ । निःशुल्क फेसबुकको माध्यमले पार्टनर खोज्ने क्रम पनि निकै छ । अन्य लोकप्रिय सामाजिक सञ्जालमा दोस्रोमा ट्वीटर र तेस्रोमा माई स्पेस पर्दछ जहाँबाट मानिसहरु पार्टनरको खोजी गर्छन् ।

ट्वीटरको माध्यमले पार्टनर खोज्ने क्रम इण्डोनेसिया, फिलिपिन्स, भियतनाम, केन्या, ब्राजिल र मेक्सिकोमा बढी पाइएको छ । भियतनाममा अनलाइनको माध्यमले डेटिङ गर्ने क्रम ६७ प्रतिशत छ, जबकि ब्राजिलमा २५ प्रतिशत पनि छैनन् । अनलाइनमा डेटिङ पार्टनर खोज्ने विकल्प धेरै भएकोले आफूले सामाजिक सञ्जालको बढी उपभोग गरिरहेको सर्वेक्षणमा सहभागीहरुले बताएका छन् ।

स्रोत : अनलाईनखबर