विमान दुर्घटनामा मृत्यु भएकाहरुको शव राजधानी ल्याइयो

भिडियो हेर्नको माथि को बक्स मा डबल क्लिक गर्नु होस्

५ फागुन, काठमाडौं । अर्घाखाँचीको मसिनेलेकमा भएको विमान दुर्घटनामा मृत्यु भएकाहरुको शवलाई नेपाली सेनाको हेलिकोप्टरबाट राजधानी ल्याइएको छ । मसिनेलेकमा दुर्घटनामा परी मृत्यु भएका सबै १८ जनाकै शव नेपाली सेनाको हेलिकोप्टरबाट राजधानी ल्याइएको हो । शव बोकेको नेपाली सेनाको हेलिकोप्टर त्रिभूवन विमानस्थलमा केही बेरअघि अवतरण गरेको छ । घटनास्थलबाट संकलन गरिएका शवलाई सानो हेलिकोप्टरबाट सन्धिखर्कस्थित नेपाली सेनाको व्यारेकमा ल्याएपछि नेपाली सेनाको एमआई १७ हेलिकोप्टरबाट राजधानी ल्याइएको हो । काठमाडौं ल्याइएका शवलार्इ शवबहानमा राखेर पोष्टमार्टमका लागि त्रिवि शिक्षण अस्पताल महाराजगञ्जमा लगिएको छ । चालक दलका तीन सदस्य र १५ जना यात्रुसहित पोखराबाट जुम्लाका लागि उडेको नेपाल वायु सेवा निगमको नाइन एन एवीवी ट्वीनअटर विमान आइतबार दिउँसोबाट हराएको थियो । सोमबार विहान नेपाली सेनाको हेलिकोप्टरले विमान ढिकुरा गागिसको मसिनेलेकमा दुर्घटनाग्रस्त जहाज देखेपछि उद्दार टोली पुगेको थियो ।
स्रोत : अनलाईनखबर