दुई गोर्खाल्याण्ड नेतृको मृत्यु

भिडियो हेर्नको माथि को बक्स मा डबल क्लिक गर्नु होस्

इलाम– सीमावर्ती पशुपतिनगर नजिकैको भारतीय सडकमा शनिवार राती भएको सवारी दुर्घटनामा दुई गोर्खाल्याण्ड नेतृको मृत्यु भएको छ। दुर्घटनामा गम्भीर घाइते भएका तीन जनाको मिरिकमा उपचार भइरहेको छ। दार्जिलिङबाट घर फर्किंदै गरेका गोर्खा जनमुक्ति नारी मोर्चाकी मिरिक क्षेत्र उपाध्यक्ष अञ्जना बम्जन र केन्द्रिय कमिटी सदस्य बिन्दु तोलाङ्गीको पा"चमाइल भन्ने ठाउँमा दुर्घटना हुँदा घटनास्थलमैं ज्यान गएको पशुपतिनगरस्थित सुरक्षा स्रोतले जनाएको छ। घुमाउरो सडकमा गुडिरहेको गाडी अनियन्त्रित भई झण्डै तीनसय फुट तल झाडीमा खसेको थियो । गाडीबाट गम्भीर घाइते तीन जनाको उद्दार गरि अस्पताल भर्ना गरिएको छ । गाडीमा चालकसहित पाँच यात्रु सवार रहेका थिए ।