३५ हजार घूस लिने डीएसपीविरुद्ध मुद्दा दायर

भिडियो हेर्नको माथि को बक्स मा डबल क्लिक गर्नु होस्

काठमाडौं , श्रावण २५ - अख्तियार दुरुपयोग अनुसन्धान आयोगले महानगरीय प्रहरी वृत्त थानकोटका डीएसपी तेजेन्द्र पौडेलविरुद्ध विशेष अदालतमा मुद्दा दायर गरेको छ । डीएसपी पौडेल कबाडी सामान निकासीकर्तासँग ३५ हजार रुपैयाँ घूस मागेको अभियोगमा पक्राउ परेका थिए । कबाडी सामान ढुवानीका क्रममा प्रहरीले बारम्बार घूस मागेर हैरान पारेपछि नेपाल कबाडी संघका अध्यक्ष पञ्च तामाङ लामाले आयोगमा उजुरी दिएका थिए । उजुरीका आधारमा निगरानी गरेको अख्तियार टोलीले डीएसपी पौडेललाई कलंकीस्थित रामेछाप भोजनालयबाट ३५ हजार रुपैयाँसहित पक्रेको थियो ।