बौद्ध स्तुपामा एक तिब्बतीद्वारा आत्मदाह घट्ना आत्महत्या वा आत्मदाह अनुसन्धान हुँदै

भिडियो हेर्नको माथि को बक्स मा डबल क्लिक गर्नु होस्

काठमाडौ, श्रावण २२ - राजधानीको बौद्धस्थित स्तुपा परिसरमा एक तिब्बतीयन नागरिकले शरीरमा आगो लगाएर आत्मदाह गरेका छन् । प्रहरीले उनले आत्महत्या गरेको वा राजनीतिक रुपमा बाहिरी जगतको ध्यानाकर्षण गराउन आत्मदाह गरेको खुल्न नसकेको बताएको छ । शारीरिक रुपमा अशक्त ४० वर्षीय ति व्यक्तिले मंगलबार बिहान स्तुपाको एक कुनामा गएर आफूलाई आगो लगाएका हुन् । महानगरीय प्रहरी वृत बौद्धका डिएसपी मनोज केसीले घट्नाबारे अनुसन्धान भइरहेको बताए । उनी आफै शारीरिक रुपले अशक्त थिए र प्रचार प्रसार पाउने गरी सार्वजनिक स्थान भन्दा पनि कुनामा गएर आफूलाई मारेकाले यो आत्महत्या हुनसक्ने डिएसपी केसीले बताए । 'फ्रि तिब्बत' को राजीतिक मुद्दासंग यो घट्ना जोडिएको हुन नसक्ने प्रारम्भिक अनुसन्धानबाट देखिएको केसीले जनाए । प्रहरीले आत्महत्या वा आत्मदाह दवै हुनसक्ने शंकाका आधारमा अनुसन्धान थालेको छ । मृतकको नाम र ठेगाना खुलिसेको छैन । उपचारका लागि शिक्षण अस्पताल पुर्याइएपछि अस्पतालले उनलाई मृत घोषणा गरेको थियो । यसअघि बौद्धकै एक रेस्टुरेन्टमा एक तिब्बतीले आत्मदाह गरेका थिए ।