'ए प्रभु ! छोरी बचाई देउ' अस्पतालमा डाक्टर नहुँदा समस्या

भिडियो हेर्नको माथि को बक्स मा डबल क्लिक गर्नु होस्

काठमाडौ, श्रावण २२ - रुगा गाविस वडान ४ कि १९ वर्षीया पिन्की लावड सोमबार राति १० बजेबाट अस्पतालको शैयामा मृत्यसँग लडि रहेकी छन् । लगातार रगत बगी रहँदा मृत्युको दोसाधमा पुग्न थालेपछि साथमा बसेकी उनकी आमा देउकला लावड छोरी बचाईदेउ भन्दै भरभर आँसु बगाई रहेकी छन् । 'ए प्रभु ! छोरी बचाई देउ' भन्दै देउकला स्वास्थ्यकर्मीलाई हात जोड्दै एक रात बिताई सकेकी छन् । सुत्केरी हुन जिल्ला अस्पताल भर्ना भएकी लावडको बच्चा जन्मिएपनि रगत नथामिदा ज्यान अत्यन्तै जोखिममा रहेको निमित्त जिल्ला स्वास्थ्य अधिकृत पशुराम नेपालीले बताए । उनको पहिलो गर्भ भएको जिल्ला अस्पातल ठिनीले जनाएको छ । अस्पतालमा चिकित्सक नहुँदा जटिल समस्या उत्पन्न भएको छ । लावडको श्रीमान अर्की स्वास्नी लगेर भारत पलायन भएकोले एक्ली बुढी आमालाई छोरी बचाउन कठिनाई भएको हो । यता ५ दिनदेखि रारा अस्पतालमा लक्षमा बुढाको मरेका बच्चा जन्मिए पनि आमाको अवस्थामा सुधार आएको छैन । कति बेला ज्वरो आउने शरिर काँप्ने भइरहेको रारा अस्पतालका चिकित्सक किशोर परियारले बताए ।