सुन ५९ हजार नजिक पुग्यो

भिडियो हेर्नको माथि को बक्स मा डबल क्लिक गर्नु होस्

१० भदौ, काठमाडौं । सोमबार स्थानिय बजारमा सुनको भाउ तोलामा ५ सय रुपैयाँ बढेर ५९ हजार नजिक पुगेको छ । नेपाल सुनचाँदी व्यवसायी महासंघले सोमबारका लागि छापावाला सुनको भाउ तोलाको ५८ हजार ९ सय रुपैयाँ तोकेको छ । निरन्तर उकालो लागेको सुन गत शुक्रबार सय रुपैयाँ घटेर कारोबार भएको थियो भने हिजो स्थिर रहेको थियो ।

सोमबार तेजाबी सुनको भाउ पनि तोलामा ५ सय रुपैयाँ बढेर ५८ हजार ६ सय ५० रुपैयाँमा कारोबार भइरहेको छ । गत शुक्रबार तेजाबी सुन तोलाको ५८ हजार १ सय ५० रुपैयाँमा कारोबार भएको थियो ।

सोमबार चाँदीको भाउ पनि तोलामा २५ रुपैयाँ बढेर कारोबार भइरहेको महासंघले जनाएको छ । महासंघका अनुसार सोमबार चाँदी तोलाको १ हजार ३५ रुपैयाँमा कारोबार भइरहेको छ । सुनचाँदीको भाउ अझै आकासिने अनुमान गरिएको छ ।