निर्देशक शिब रेग्मीको अवस्था चिन्ताजनक

भिडियो हेर्नको माथि को बक्स मा डबल क्लिक गर्नु होस्

ओम हस्पिटलको आईसियूमा उपचाररत निर्देशक शिब रेग्मीको स्वास्थ्य अवस्था चिन्ताजनक रहेको बताइएको छ । दुवै मृगौलाले काम नगरेपछि उनलाई मृगौला प्रत्यारोपणको लागि टिचिङ हस्पिटलमा राखिएको थियो । तर विहीबार राती एक्कासी उनको रक्तचाप बढेपछि अवस्था गम्भीर भएको हो । टिचिङ हस्पिटलको आईसियू कक्ष खाली नभएपछि उनलाई ओमको आईसियूमा सारिएको हो । निर्देशक रेग्मीका निकट मित्र निर्माता केशब भट्टराईले बताए अनुसार स्वास्थ्य ठिक नभएसम्म मृगौला प्रत्यारोपण गर्न नमिल्ने डाक्टरले बताएका छन् । रेग्मीलाई उनकै भाईले मृगौला दिने तयारी गरेका थिए । त्यस्तै रेग्मीको उपचारको लागि सहयोग पनि जुटिरहेको थियो । केही समय अगाडि चलचित्र विकाश बोर्डले रु पाँच लाख र चलचित्र संघले रु एक लाख नगद सहयोग गरेको थियो । त्यस्तै अन्य व्यक्तिबाट पनि रकम सहयोग मिलेको बताइएको छ ।