कुखुराको मासु प्रतिकेजी २० रुपैयाँ बढ्यो

भिडियो हेर्नको माथि को बक्स मा डबल क्लिक गर्नु होस्

पाल्पा— देशका विभिन्न ठाउँमा बर्डफ्लु भेटिएपछि पहाडी जिल्लाहरुमा कुखुराको मासुको माग बढेको छ। पश्चिमका जिल्लाहरुमा कुखुराको मासुको आपुर्तिमा कमि हुने देखिएपछि पाल्पा, अर्घाखाँची, गुल्मी लगायतका जिल्लाहरुबाट कुखुराको मासुको माग बढेको व्यवसायी बताउँछन्। बुटवल र भैरहवामा पहाडी जिल्लाहरुबाट कुखुराको मासुको माग बढेको छ। माग बढेपछि पाल्पा जिल्लामा कुखुराको मासुको भाउ प्रति केजी २० रुपैयाँ बढाइएको छ। २ सय ६० रुपैयाँ प्रति केजी मासुको भाउ मंगलबारदेखि २ सय ८० पुर्‍याइएको मासु व्यवसायी समिति पाल्पाका अध्यक्ष दलबहादुर राजपुतले जानकारी दिए। 'ठूला सहरहरुमा मासुको आयात घट्ने हुँदा पहाडी जिल्लाहरुबाट मासु आपुर्ती गर्नुपर्ने हुन्छ', राजपुतले भने। पाल्पा जिल्ला कुखुराको मासु उत्पादनका हिसावले आत्मनिर्भर छ। 'पाल्पाबाट बुटवल र पोखारामा समेत कुखुरा निकासी हुन्छ,' पोल्ट्री व्यवसायि विदुर घिमिरे भन्छन्, 'यस्तो बेलामा ठूला सहरहरुबाट कुखुराको माग बढी हुन्छ र मूल्यमा असर पर्छ ।'