प्रेम प्रस्ताव राख्न अनौठो जुक्ति (फोटोफिचर)

भिडियो हेर्नको माथि को बक्स मा डबल क्लिक गर्नु होस्

भनिन्छ प्रकृति प्रेमको खानी हो । चराचर जगत प्रेमले भरिपूर्ण छ, मात्र प्रेमलाई अनुभुति गर्न सक्नुपर्छ । मानिसले मानिसलाई गर्ने प्रेम खासै नौलो कुरा भएन । तर प्रेमका लागि वा प्रेम पाउनका लागि मान्छेले विभिन्न जुक्ति लगाउँछ । कतिपय मान्छेले आफुले मन पराएको मान्छे सामु प्रेम प्रस्ताव राख्नका लागि निकै अनौठो प्रयोग गर्छ । प्रकृतिमा प्रेमका एक से एक प्रतिक छन् । तिनै प्रेमका प्रतिक मार्फत मन पराएको मान्छेलाई आफुतिर आकषिर्त गर्ने प्रयास मान्छेले गर्छ । कतिपयले यस्तै चिज बटुलेर आफ्नो मान्छेलाई सरप्राइज दिन्छन् ।

आयरल्याण्डका एक युवकले निकै अद्भुत चिज संगालेर आफुले मन पराएकी केटी साथीसामु प्रेम प्रस्ताव राखे । हंगकंगमा बस्दै आएका पाउल म्याकेन्जीले आफ्नी केटी साथी पभीनालाई प्रेम प्रस्ताव सँगै यस्तो सरप्राइज दिए मानौँ पभीनाले त्यो कल्पना समेत गरेकी थिइनन् ।

पाउलले पभीनालाई लिएर केन्याको लोगिपी ताल माथिको आकाशमा शयर गरेका थिए । पभीनाले आकाशको सयरका बेला जहाजबाट बाहिर चियाएर दृश्यावलोकन मात्र गरिन् तर पाउलले भने केही अद्धितीय दृश्यहरु आफ्नो क्यामरामा कैद गरे । उनले उक्त तालमा बसेका हजारौँ जलपंक्षीहरुले बनाएको मुटुको आकृति अर्थात् प्रेमको प्रतिकलाई क्यामरामा कैद गरे । लाइट जहाजमा आकाशमा सयर गर्दा उनले निकै मनमोहक दृश्य कैद गरे । उनले ती मनमोहक र लाक्षणिक अर्थ राख्ने प्रेमको चिनो सहितका तस्वीर उपहार दिँदै पभीनासामु प्रेमको प्रस्ताव र बिहे गर्ने प्रस्ताव सँगै राखे । पभीनाले पनि पाउलको त्यो सिर्जनात्मक दिमागलाई र मायालाई कदर गरिन् र प्रस्ताव स्विकार गरिन् । उनीहरुबीच केही समयअघि विवाह भैसकेको छ । सन् २००१ मा यी दुइबीच भेट भएको थियो । त्यसयता यी दुइ साथीको हैसियतमा धेरै ठाउँ सँगै घुमेका छन् र प्रकृतिको मज्जा लुटेका छन् ।