भिडियो हेर्नको माथि को बक्स मा डबल क्लिक गर्नु होस्
नयाँदिल्ली (बीबीसी), श्रावण २६ - उत्तरी भारतको हरियाणाका एक किसानले एउटै भैंसी बेचेर २५ लाख भारतीय रुपैयाँ -४० लाख रुपैयाँ) कमाएका छन् । कपुर सिंह नामक ती किसानले यतिधेरै मूल्यमा भैंसी बेचेर रेर्कड बनाएका छन् । उनले मुर्रा जातको भैंसीको नाम लक्ष्मी हो । मुर्रा जातको भैंसीले बढी दूध दिने भएकाले यसको माग पनि बढी नै हुने गर्छ । यी भैंसी बढी दूध दिने भएकाले प्रतिष्ठित छन् र किसान यसप्रति लोभिन्छन् । यति मात्रै होइन, उक्त भैंसी पाल्न पाउनुलाई किसानहरू गौरव ठान्छन् । यो जातको सामान्य भैंसी बिक्री गरेर पनि कार किन्न सकिन्छ । हिसार जिल्लामा बस्ने सिंहले दुई वर्षअघि उक्त भैंसीलाई ४ लाख रुपैयाँमा किनेका थिए । उनका अनुसार दैनिक २८ लिटर दूध दिने भैंसी दूध उत्पादनबाट धेरै सम्मान पनि पाएको छ । यसले गर्दा उनले आफूले किनेको भन्दा १० गुणा बढी मूल्यमा बेच्न सफल भएको सिंह बताउँछन् । अघिल्लो वर्ष ३ लाखभन्दा बढी रकम प्रस्ताव आउँदा पनि सिंहले उक्त भैंसी बेचेका थिएनन् । किन्न आउनेलाई भैंसी अत्यधिक मन परेको र उनले लक्ष्मीमाथि भिडियो नै बनाएर प्रदर्शन गराउने उद्देश्य राखेका थिए । 'मैले मानिनँ,' सिंहले भने, 'अहिलेको मूल्यबाट म निकै खुसी छु । यो पैसा छोरीको बिहेका लागि खर्चिन्छु ।' लक्ष्मीलाई किनेका राजीव सरपञ्चले 'बेस्ट क्याटल' प्रतियोगितामा सहभागी गराउने तयारी गरिसकेको हिन्दुस्तान टाइम्सलाई बताएका छन् । आगामी जनवरीमा हुने उक्त प्रतियोगिता जित्नेलाई एक किलो सुन उपहार छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.