भिडियो हेर्नको माथि को बक्स मा डबल क्लिक गर्नु होस्
१८ साउन, काठमाडौं । नेकपा-माओवादी नेतृत्वको २५ दलीय मोर्चा सरकारसँग वार्तामा बस्न तयार भएको छ । सरकारले बुधबार निर्शत वार्तामा बस्न आहृवान गरेपछि शुक्रबार बसेको असन्तुष्ट दलहरुको बैठकले वार्तामा बस्ने औपचारिक निर्णय गरेको हो ।
तर, सरकारको पत्रमा ‘३३ दलीय मोर्चा’ प्रष्ट किटान नभएकाले यसलाई थप सम्बोधन गर्नु पर्ने २५ दलको सर्त छ । ‘सरकारसँग वार्तामा बस्ने निर्णय भएको छ’ सामाजिक लोकतान्त्रिक पार्टीका नेता पासाङ शेर्पाले अनलाइनखबरसँग भन्नुभयो ।
बैठकपछि माओवादी सचिव देव गुरुङद्वारा मोर्चाका तर्फबाट जारी विज्ञप्तिमा पनि आन्दोलनसंगै वार्ता र सम्वादबाट पनि राजनीतिक निकाश खोज्ने भन्दै वार्तामा बस्ने नीतिगत निर्णय भएको उल्लेख छ । ‘सरकारले नेकपा-माओवादीका नाममा पछिल्लो समयमा वार्ताको लागि पठाएको पत्रको सन्दर्भमा बैठकमा छलफल हुँदा आन्दोलनसंगै वार्ता र सम्वादबाट पनि राजनीतिक निकाशका लागि ३३ दलीय मोर्चा सधै सकारात्मक रहेकोले वार्तामा बस्ने नीतिगत निर्णय गरियो’ विज्ञप्तिमा भनिएको छ- ‘वार्ताका लागि सरकारले पठाएको उक्त पत्रमा ३३ दलको स्पष्ट अस्तित्व किटान नगरिएकाले वार्ताका लागि ३३ दलीय मोर्चालाई सम्बोधन गर्न आवश्यक छ भन्नेसमेत निर्णय गरियो ।’
शेर्पाका अनुसार सरकारले ३३ दलीय मोर्चालाई सम्बोधन गरेर पत्र पठाएपछि वार्ता टोली गठन गर्ने तयारी छ । वार्ताको आवश्यक तयारी तथा ब्यवस्थापनको जिम्मेवारी कार्यदललाई दिइएको छ । यसअघि वैद्य माओवादीले आफ्नो तर्फबाट ५ सदस्यीय वार्ता टोली गठन गरिसकेको थियो । यसअघि ३३ दलरहेकोमा घटेर २५ दल पुगेका छन् । तर, मोर्चाका नेताहरु भने आफूसँग अझै पनि ३७ दल रहेको बताइरहेका छन् । दलको संख्या तलमाथि भए पनि मोर्चाको नाम ‘३३ दलीय’ नै रहेको उनीहरुको दाबी छ ।
मोर्चाले निर्वाचनको सर्त हटाइए चार दलीय उच्चस्तरीय राजनीतिक समितिसँग पनि वार्ता गर्न तयार रहेको बताएको छ । निर्वाचनका लागि भन्दै वार्तामा बोलाएर शर्त राखेको भन्दै हालै मात्र मोर्चाले निशर्त वार्तामा बस्ने राजनीतिक समितिलाई जवाफी पत्र पठाएको थियो ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.