मानिसमा बर्डफलु देखिएन

भिडियो हेर्नको माथि को बक्स मा डबल क्लिक गर्नु होस्

काठमाडौ, श्रावण २२ - राष्ट्रिय जनस्वास्थ्य प्रयोगशालामा नमुना परिक्षणको क्रममा मानिसमा बर्डफलुको जीवाणु नभएको पुष्टि भएको छ । इपिडिमियोलजी तथा रोग नियन्त्रण महाशाखाले बर्डफलु प्रभावित क्षेत्रका ११ जनाको घाटीको र्‍याल थ्रुट सट परिक्षण गर्न लगेको थियो । परिक्षण गरिएको कसैलाई पनि बर्डफलु नपाइएको स्वास्थ्य सचिव डा प्रविण मिश्रले जानकारी दिए । 'मानिसमा पनि बर्डफलु भएको हुन सक्ने आशंकमा नमुना परिक्षण गर्दा रिपोर्ट नेगेटिभ देखियो,'उनले भने,'अब ढुक्क भए हुन्छ । मौसम परिवर्तनको बेला हुने भाइरल इन्फलुजाले बिरामी भएको देखिएको छ ।' कुखुरामा बर्डफलु देखिएको भक्तपुरको अधिकांश स्थानका बासिन्दा बिरामी पर्न थालेपछि जिल्ला जनस्वास्थ्य र महाशाखाको टोलीले पुगेर नमुना संकलन गरेको थियो । भक्तपुर नगरपालिका २ जगातीमा बिमल धिमसुको र्फमको वरीवरीका ७ जना र च्यामासिंह स्थित महेन्द्र बोहजुको र्फम आसपासबाट चार जनाकोको नमुना संकलन गरेको थियो । स्रोतका अनुसार जगातीबाट रश्मी काररञ्जित, सुन्तला थापा, सृजना बस्नेत, विकास थापा, जगतशेर गोसाइ, रोजिसा खायमली र हिना सिल्पकारको नमुना परिक्षण गर्न पठाएको छ । च्यामासिंहको चार जनाको नाम खुल्न सकेको छैन ।